होङ्शी शिवम सिमेन्टको ९ महिनाको व्यापार सवा १० अर्ब, डेढ अर्ब लाभांश वितरण गर्न बाँकी

काठमाडौँ: नेपाली तथा चिनियाँ संयुक्त लगानीमा सञ्चालित होङ्शी शिवम सिमेन्ट प्राइभेट लिमिटेडको नौ महिनामा सिमेन्ट व्यापार १८ प्रतिशत बढेको छ। उद्योगले हालसम्म १० अर्ब ३१ करोड ८० लाख रुपैयाँबराबरको सिमेन्ट व्यापार गरेको हो।

गत वर्ष उद्योगले १३ अर्ब २४ करोड ३० लाख रपैयाँ व्यापार गरेको थियो। अघिल्लो वर्षको नौ महिनाको तुलनामा गत वर्ष उद्योगको सिमेन्ट व्यापार २१ प्रतिशत बढेको छ।

उद्योगको नौ महिनामा मार्जिन पनि बढेर ३१ प्रतिशत पुगेको छ। गत वर्षको नौ महिनामा २४ प्रतिशत मात्र थियो। उद्योगको तरलता बढेर तीन अर्ब २० करोड रुपैयाँ पुगेको छ। गत वर्ष दुई अर्ब ६० करोड रुपैयाँ मात्र थियो।

२०२४ मा उद्योगले १० अर्ब ९६ करोड ७० लाख, २०२३ मा १३ अर्ब चार करोड, २०२२ मा १६ अर्ब २० करोड ८० लाख रुपैयाँको सिमेन्ट व्यापार गरेको थियो। यस्तै २०२१ मा होङ्शीले १७ अर्ब ४५ करोड ७० लाख, २०२० मा १३ अर्ब ३७ करोड १० लाख रुपैयाँको सिमेन्ट व्यापार गरेको थियो।

यस्तै २०१९ मा १३ अर्ब ४८ करोड ४० लाख रुपैयाँको सिमेन्ट व्यापार गरेको सार्वजनिक गरेको वित्तीय विवरणमा उल्लेख छ। उद्योगले होङ्शी ब्राण्डमा ओपीसी र पीपीसी सिमेन्ट उत्पादन गर्दै आएको छ।

मुलुकको अर्थतन्त्र सुस्त हुँदा निर्माण क्षेत्रमा आएको मन्दीले गर्दा उद्योगको सिमेन्ट व्यापार निरन्तर कम भएको छ। १७ अर्ब रुपैयाँ बढी सिमेन्ट व्यापार गर्ने होङ्शीको कारोबार सवा १३ अर्ब रुपैयाँमा खुम्चिएको छ। होङ्शी सबै भन्दा धेरै सिमेन्ट व्यापार गर्ने विदेशी लगानीको उद्योग हो।

उद्योगले सेयरधनीहरुलाई अझै एक अर्ब ५० करोड रुपैयाँ लाभांश वितरण गर्न बाँकी रहेको छ। पर्याप्त नगद मौज्दात भए पनि आकस्मिक लगानी योजनाहरूका साथै नियामक क्लियरेन्स ढिलाइले सेयरधनीहरुलाई लाभांश वितरणमा नभएको उद्योगले जनाएको छ।

अघिल्लो दुई वर्षको उच्च औसत २९६ प्रतिशत भुक्तानीको तुलनामा आर्थिक वर्ष २०२५ मा लाभांश भुक्तानीमा मध्यमता खुद नाफाको ४३ प्रतिशत सकारात्मक रहेको उद्योगले जनाएको छ।

होङ्शीले उच्च ग्राहक एकाग्रता जोखिमको सामना गरिरहेको छ। जसमा २०२६ को ९ महिनामा क्लिंकर बिक्रीको १०० प्रतिशत र सिमेन्ट बिक्रीको ३५ प्रतिशत यसको शीर्ष १० ग्राहकहरूबाट प्राप्त भएको छ।

कुल बिक्रीमा क्लिंकरको हिस्सा आर्थिक वर्ष २०२२ मा ४० प्रतिशतबाट घटेर २०२५ को ९ महिनामा २७ प्रतिशत कायम भएको छ। बजारमा पछाडि एकीकृत ग्राइन्डिङमा आधारित सिमेन्ट एकाइहरूमा वृद्धि देखिएको छ। फलस्वरूप, तेस्रो पक्ष क्लिंकरको माग कमजोर भएको छ।

सन् २०१५ मा स्थापना भएको होङ्शीले सिमेन्ट र कच्चा वस्तु क्लिङकर उत्पादन गर्दै आएको छ। उद्योगको वार्षिक २० लाख टन क्लिङकर र २३ लाख टन सिमेन्ट उत्पादन क्षमता रहेको छ।

उद्योगमा हङकङ रेडलाइन सिमेन्ट नम्बर–३ लिमिटेडको ७० र बाँकी शिवम सिमेन्ट लिमिटेडको शिवम होल्डिङस लिमिटेडको ३० प्रतिशत स्वामित्व रहेको छ।

होङ्शी नवलपरासीको वेनी मनिपुर गाउँपालिकामा रहेको छ। उद्योगले सन् २०१८ को मार्चदेखि सिमेन्ट र सोही वर्षको मेदेखि क्लिङकर उत्पादन थालेको हो।

हङकङ लायनले चीनमा मात्र ५० वटा सिमेन्ट उद्योग सञ्चालन गरिरहेको छ। कम्पनीले इन्डोनेसिया, लाओस र म्यानमारमा पनि सिमेन्ट उद्योग सञ्चालन गरिरहेको छ।

नेपालमा मात्रै ५५ वटा सिमेन्ट र २० वटा क्लिङर उत्पादन गर्ने उद्योग सञ्चालनमा आएकाले बजारमा तीव्र प्रतिस्पर्धा रहेको छ। अझै केही ठूला सिमेन्ट तथा क्लिङकर उद्योग सञ्चालनमा आउने तयारीमा रहेका छन्।