साना तथा मध्यम व्यवसायका लागि वर्ल्डलिंकले ल्यायो ‘बिज२४’ सेवा, वार्षिक मूल्य कति?
नेपाल क्लिक्स
काठमाडौँ: इन्टरनेट सेवा प्रदायक वर्ल्डलिंक कम्युनिकेसन्स लिमिटेडले साना तथा मध्यम व्यवसायका लागि ‘बिज२४’ वाइफाइ सेवा सञ्चालनमा ल्याएको छ।
व्यवसायिक परिसरका हरेक कुनासम्म एकसमान र भरपर्दो वाइफाइ पहुँच उपलब्ध गराउने तथा क्लाउडमार्फत वाइफाइ सञ्जाल व्यवस्थापन गर्न सकिने गरी ‘बिज२४’ तयार गरिएको कम्पनीले जनाएको छ। यसमा ग्राहकका समस्या छिटो समाधान गर्न प्राथमिकता सहयोग सेवासमेत उपलब्ध हुनेछ।
वर्ल्डलिंकका बिक्री प्रबन्धक सतीश कृष्ण राजभण्डारीका अनुसार नेपालका धेरैजसो साना तथा मध्यम व्यवसाय अझै पनि घरायसी प्रयोजनका लागि प्रयोग हुने इन्टरनेट जडानमा निर्भर छन्। त्यसका कारण कार्यालय वा व्यवसायिक परिसरका केही स्थानमा वाइफाइ संकेत नपुग्ने, व्यवसाय सञ्चालनका महत्वपूर्ण समयमा इन्टरनेटमा समस्या आउने तथा सञ्जालको अवस्थाबारे पर्याप्त जानकारी नहुनेजस्ता समस्या देखिने गरेका छन्।
यिनै चुनौती समाधान गर्ने उद्देश्यले ‘बिज२४’ ल्याइएको राजभण्डारीले बताए। उनका अनुसार यसले व्यवसायलाई थप भरपर्दो, व्यवस्थित र व्यवसायिक स्तरको इन्टरनेट सम्पर्क उपलब्ध गराउनेछ। क्लिनिक, रेस्टुरेन्ट, साना तथा मध्यम आकारका मार्ट, स्टुडियो र सहकार्य कार्यालयलगायत विभिन्न व्यवसायको आवश्यकतालाई ध्यानमा राखेर सेवा तयार गरिएको उनले बताए।
‘बिज२४’ ले व्यवसायिक परिसरको भौतिक संरचना, क्षेत्रफल र आवश्यकताअनुसार उपयुक्त वाइफाइ समाधानको योजना तथा सुझाव उपलब्ध गराउने कम्पनीले जनाएको छ। एउटै राउटरमा निर्भर हुनुपर्ने अवस्थाको विकल्पका रूपमा यसले व्यवसायिक परिसरभरि व्यवस्थित वाइफाइ पहुँच उपलब्ध गराउनेछ।
‘बिज२४’ मा व्यवसायको आवश्यकता र आकारअनुसार सञ्जाल विस्तार गर्न सकिने सुविधा रहेको कम्पनीले जनाएको छ। यसमा सार्वजनिक स्थिर आईपी ठेगानासमेत उपलब्ध हुनेछ, जुन सीसीटीभी, विभिन्न सफ्टवेयर तथा अन्य सूचना प्रविधि सेवा सञ्चालनका लागि आवश्यक पर्न सक्छ।
‘बिज२४’ ‘राइज’, ‘ग्रो’ र ‘प्रो’ गरी तीन तहमा उपलब्ध छ। यी योजनामा २०० एमबीपीएसदेखि १ जीबीपीएससम्मको इन्टरनेट गति उपलब्ध हुने कम्पनीले जनाएको छ। मार्ट, रेस्टुरेन्ट, स्टुडियो, क्लिनिक, सहकार्य कार्यालय तथा मध्यम आकारका व्यवसायलाई लक्षित गरी सेवा तयार गरिएको हो।
‘बिज२४’ को वार्षिक मूल्य १३ प्रतिशत मूल्य अभिवृद्धि करबाहेक ३० हजार रुपैयाँदेखि सुरु हुने कम्पनीले जनाएको छ।
सांग्रिला डेभलपमेन्ट बैंकको २२औँ वार्षिकोत्सवमा हेटौँडा शाखाद्वारा रक्तदान कार्यक्रम
कामना विकास बैंक २०औँ वर्षमा, ८ स्थानमा रक्तदान कार्यक्रम गर्ने
आईसीटी अवार्डका लागि चार विधामा ५० स्टार्टअप तथा इन्नोभेसनको छनोट
कच्चा तेलको मूल्य बढेर ब्यारेलको ११७ डलरमाथि, महँगी बढ्ने जोखिम
पोखरामा ‘पल्सर आरपीएम’ हुँदै, स्टन्ट र स्ट्रीट कल्चरको रोमाञ्चक अनुभव लिन पाइने
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
