नेपाल तथ्याङ्कशास्त्र समाजको अन्तर्राष्ट्रिय सम्मेलन २०२६ काठमाडौंमा सम्पन्न

काठमाडौं। नेपाल तथ्याङ्कशास्त्र समाज अन्तर्राष्ट्रिय सम्मेलन २०२६— आज काठमाडौंमा सुरु भएको छ। सम्मेलनमा तथ्याङ्कशास्त्र तथा डेटा विज्ञानका क्षेत्रमा भएका पछिल्ला विकास, अनुसन्धान तथा प्रयोगात्मक उपलब्धिहरूबारे ज्ञान तथा अनुभव आदानप्रदान गर्न अनुसन्धानकर्ता, प्राध्यापक, विज्ञ, पेशाकर्मी तथा विद्यार्थीहरूको सहभागिता रहेको छ।

नेपाल तथ्याङ्कशास्त्र समाज र काठमाडौं विश्वविद्यालयको गणित विभागको सहकार्यमा आयोजित दुईदिने अन्तर्राष्ट्रिय सम्मेलन २०–२१ सेप्टेम्बर २०२६ सम्म सञ्चालन हुँदैछ।

सम्मेलनमा नेपाल तथा विदेशबाट गरी करिब १५० जना सहभागीको सहभागिता रहेको छ। सम्मेलनले तथ्याङ्कशास्त्र, डेटा विज्ञान, कृत्रिम बुद्धिमत्ता, मेसिन लर्निङ, जैवसांख्यिकी, आधिकारिक तथ्याङ्क, एक्चुरियल विज्ञान तथा सम्बन्धित क्षेत्रका उदीयमान विषयमा शैक्षिक आदानप्रदान, अन्तरविषयगत सहकार्य तथा नवीनतम अनुसन्धानमाथि छलफल गर्ने अवसर प्रदान गरेको छ।

सम्मेलनमा ७० वटा प्राविधिक शोधपत्र प्रस्तुत गरिनुका साथै ८ जना प्रमुख वक्ता तथा आमन्त्रित वक्ताहरूबाट प्रस्तुति दिइएको छ। सम्मेलनको वैज्ञानिक कार्यक्रमअन्तर्गत प्रमुख वक्ताका व्याख्यान, आमन्त्रित प्रस्तुति, मौखिक प्रस्तुति तथा पोस्टर प्रस्तुति समावेश गरिएको छ।

सम्मेलनको उद्घाटन समारोहको एक प्रमुख आकर्षणका रूपमा काठमाडौं विश्वविद्यालयका उपकुलपति प्राडा विवेक बरालबाट सम्मेलन जर्नल तथा सम्मेलनको सारसंग्रह विमोचन गरिएको छ।

यी प्रकाशनहरूले सम्मेलनमा प्रस्तुत गरिएका अनुसन्धान तथा शैक्षिक योगदानलाई अभिलेखीकरण गर्दै तथ्याङ्कशास्त्र तथा डेटा विज्ञानका क्षेत्रमा भइरहेका समसामयिक अनुसन्धानलाई दस्तावेजीकरण गरेका छन्।

सम्मेलनमा प्रमुख तथा आमन्त्रित वक्ताका प्रस्तुति, मौखिक तथा पोस्टर प्रस्तुति र विभिन्न प्राविधिक शोधपत्रहरू समावेश छन्। यसले तथ्याङ्कशास्त्र, डेटा विज्ञान, कृत्रिम बुद्धिमत्ता, मेसिन लर्निङ तथा विभिन्न परिमाणात्मक विधिका क्षेत्रमा भइरहेका समसामयिक अनुसन्धानको व्यापकता प्रस्तुत गरेको छ।

सम्मेलनको संयोजन त्रिभुवन विश्वविद्यालयका प्रोडा विजयलाल प्रधान र काठमाडौं विश्वविद्यालयका प्राडा रवीन्द्र कायस्थले गरे। सम्मेलनका अध्यक्ष प्राडा रामप्रसाद खतीवडा रहेका छन्।