सानिमा ग्रुपले सञ्चालन गरिरहेको तल्लो लिखु जलविद्युत आयोजना पाँचौं वर्षमा

काठमाडौं। सानिमा ग्रुपले निर्माण तथा सञ्चालन गरिरहेको २८.१ मेगावाटको तल्लो लिखु जलविद्युत आयोजनाले व्यावसायिक विद्युत उत्पादन सञ्चालनको चार वर्ष पूरा गरी पाँचौँ वर्षमा प्रवेश गरेको छ।

आयोजना निर्माण तथा सञ्चालन श्वेत गंगा–सानिमा हाइड्रो कन्ष्ट्रक्सन लिमिटेड रहेको छ।

विशेषगरी, अहोरात्र खटिएर विद्युत केन्द्रको सञ्चालनलाई सुरक्षित, भरपर्दो र सफल बनाउँदै आउनुभएका सम्पूर्ण साइट परिवारप्रति कम्पनीले आभार व्यक्त गरेको छ। निरन्तर समर्पण, मेहनत र प्रतिबद्धता नै सफलताको प्रमुख आधार भएको कम्पनीले जनाएको छ।

आगामी दिनहरूमा पनि आयोजनाले निरन्तर प्रगति, उत्कृष्ट सञ्चालन र थप सफलताका नयाँ कीर्तिमान कायम गर्ने विश्वास कम्पनीले लिएको छ।

सफलतामा साथ दिने उर्जा मन्त्रालय, विद्युत विकास विभाग, नेपाल विद्युत प्राधिकरण, वन तथा वातावरण मन्त्रालय, नेपाल राष्ट्र बैंक, नियामक निकाय, ऋण प्रदायक लक्ष्मी बैंक तथा अन्य सहभागी बैंकहरु, निर्माण व्यवसायी, बीमा कम्पनी र स्थानीय बासिन्दाहरुमा कम्पनीले आभार प्रकट गरेको छ।