नेपाल लाइफ अन्तर्राष्ट्रिय अवार्डबाट सम्मानित

काठमाडौं- नेपाल लाइफ इन्स्योरेन्स कम्पनी अन्र्तराष्ट्रिय अवार्डबाट सम्मानित भएको छ ।भारतको मुम्बईस्थित होटल ताज ल्यांड्स इंड्समा आयोजित चौथो आइसीसी इमार्जिंग एशिया इन्स्योरेन्स कन्केल्भ तथा अवार्ड,२०२३ समारोहमा नेपालको जीवनबीमा क्षेत्रमै सर्वोत्तम काम गरेको भन्दै ‘आउटस्ट्यान्डिङ पफर्मेन्स इन द लाइफ इन्स्योरेन्स इन्डस्ट्री अफ नेपाल’बाट सम्मानित भएको हो।

२०८० मंसिर ७ गते सम्पन्न अवार्ड समारोह इन्डियन च्याम्बर अफकमर्सद्वारा आयोजना गरिएको हो। कम्पनीद्वारा गरिएको दाबी भुक्तानीको अनुपात,चुक्तापुंजी, प्रथम बीमा शुल्क आर्जन र कम्पनीद्वारा प्रशिक्षणमा गरिएको लगानी जस्ता मापदण्डहरुलाई मुल्यांकन गर्दै नेपाल लाइफ इन्स्योरेन्स कम्पनीलाई यो सम्मान प्रदान गरिएको हो। उक्त अन्तराष्ट्रिय सम्मान यस कम्पनीका प्रमुखकार्यकारी अधिकृत प्रवीण रमण पराजुलीले ग्रहण गरेका हुन।

कम्पनीका प्रमुख कार्यकारी अधिकृत प्रवीण रमण पराजुलीले अन्तर्राष्ट्रिय अवार्डबाट सम्मानित भएको सुखद अवसरमा सफलताको श्रेय संचालक समितिका अध्यक्ष तथा सदस्यहरु, सम्पूर्ण कर्मचारी वर्ग, अभिकर्ता वर्ग, नियामक निकाय, शेयरधनी महानुभावहरुतथा नेपाललाइफसँग आवद्ध समस्त सेवाग्राहीहरुलाई प्रदान गर्दै सफलताको बाटोमा अग्रसर रहन प्रेरित गर्ने सबैमा हार्दिक आभार प्रकट गरे।