नेपाल बैंकद्वारा भूकम्पपीडितका लागि राहतस्वरुप ५० लाख सहयोग 

काठमाडौं- नेपाल बैंक लिमिटेडले भूकम्प पीडितका लागि राहतस्वरुप ५० लाख रुपैयाँ आर्थिक सहयोग प्रदान गरेको छ। गत कात्तिक १७ गते कर्णाली प्रदेशका जाजरकोट र रुकुमपश्चिम जिल्लामा गएको भूकम्पबाट ठूलो क्षति भएकाले बैंकले राहतस्वरुप उक्त रकम सहयोग गरेको हो। उक्त रकम बैंकको तर्फबाट संस्थागत सामाजिक उत्तरदायित्व कोषबाट .५० लाख रुपैयाँ प्रधानमन्त्री दैवी प्रकोप सहायता कोषमा सहयोग गरेको छ।

नेपाल बैंक लिमिटेड, सञ्चालक समितिका अध्यक्ष डा. चन्द्रबहादुर अधिकारीले सहयोग रकमको चेक प्रधानमन्त्री तथा मन्त्रीपरिषद्को कार्यालय, बालुवाटारमा आयोजित एक कार्यक्रममा प्रधानमन्त्री पुष्पकमल दाहाललाई हस्तान्तरण गरेका छन्। नेपाल बैंक लिमिटेडबाट भूकम्प पीडितका लागि आर्थिक सहयोग प्रदान भएकोमा प्रधानमन्त्रीश्री पुष्पकमल दाहालले बैंक परिवारलाई धन्यबाद ज्ञापन गरे।

उक्त कार्यक्रममा बैंकको सञ्चालक समितिका अध्यक्ष डा. चन्द्रबहादुर अधिकारीले बैंकले दैवी तथा प्राकृतिक प्रकोप, महामारीको रोकथाम तथा नियन्त्रणलगायत विभिन्न विपत्को समयमा आर्थिक सहयोग प्रदान गर्दै आएकामा त्यस्को निरन्तरता स्वरूप जाजरकोट भूकम्पपीडितलाई आर्थिक सहयोग प्रदान गरिएको बताए।

उक्त कार्यक्रममा सञ्चालक समिति सदस्य विवेक शम्शेर ज.ब.रा., का.मु.प्रमुख कार्यकारी अधिकृत समता पन्त, बैंकका कम्पनी सचिव केशव प्रसाद भण्डारी तथा बरिष्ठ प्रबन्धक विश्वराज भण्डारी समेतको उपस्थिति रहेकोथियो।