सडक सुरक्षामा हेलचक्र्याइँ [तस्बिरहरू]

काठमाडौँ- सडक दुर्घटनाका विषय दिनहुँजस्तै सुनिइरहने भए पनि आम मानिसहरू यसको सुरक्षाप्रति संवेदनशील भएको भने व्यवहारले देखाउँदैन।

जथाभावी बाटो काट्न, फरक लेनमा हिँड्ने र जेब्रा क्रसिङमा सवारी साधन रोकेर मान्छे चढाउने र उतार्ने, सडक क्रस गर्दा दौडनेजस्ता असुरक्षित बानीका कारण दुर्घटनाको जोखिम बढाइरहेको छ।

दुर्घटनामा प्रायजसो सवारीसाधनकै गल्ती देखाउने गरिन्छ। दुर्घटनामा कहिलेकाही अन्य पक्ष पनि जिम्मेवार हुन सक्छ।

समयसमयमा ट्राफिक प्रहरीले सचेतनामूलक कार्यक्रम गरेपनि धैरैले यसलाई जीवनशैलीकै बानीका रूपमा भने विकास गरेको पाइँदैन।

काठमाडौं उपत्यकामा जथाभावी सडक काट्ने पैदलयात्रीलाई एक बेला जरिमाना लिने गरिएको थियो। तर आजकल प्रहरीले यस्तो कारबाही गर्न छोडेको छ।

पैदल यात्रुमैत्री संरचना नबन्दा पनि पैदलयात्रुलाई सबै खाले ट्राफिक नियम पालना गराउन अप्ठेरो परिरहेको ट्राफिक प्रहरीको भनाइ छ।

तत्कालीन उपप्रधान तथा गृहमन्त्री बामदेव गौतम २०७१ जेठ १२ गते सडकको बिचमा राखिएको डिभाइडर जोड्ने डोरी नाघ्दै सडक पार गरेका थिए। उक्त तस्बिर भाइरल भएको थियो।

माथिका सबै तस्बिर : नेपाल फोटो लाइब्रेरी

थप तस्बिर

२०७१ साल जेठ ११ गते वीर अस्पतालतर्फबाट आएका उपप्रधानमन्त्री तथा गृहमन्त्री वामदेव गौतम र सुरक्षाकर्मीका गाडी रत्नपार्कको बीच सडकमै रोकेर ओर्लिएका सडकको बीचमा राखिएको डोरी नाघेर शान्तिवाटिकातिर जाँदै। तस्बिर : ज्ञानेन्द्र कार्की/नयाँ पत्रिका