एलन मस्क, बिल गेट्स, मार्क जुकरबर्ग र ज्याक मालाई सरकारले नेपाल बोलायो
नेपाल क्लिक्स
काठमाडौँ– वैशाख १६ र १७ गते गर्ने भनिएको लगानी सम्मेलनका लागि नेपाल सरकारले निम्ता पठाउन थालेको छ। अर्थ मन्त्रालयले विश्वका धनाढ्य र ठूला कम्पनीहरूका संस्थापकलाई निम्ता पठाउन थालिएको जानकारी दिएको हो।
सम्मेलनमा वक्ताका रूपमा सहभागी भइदिनकाल लागि भारतीय धनाढ्यहरू मुकेश अम्बानी र गौतम अडानीलाई निम्ता पठाइएको छ। यस्तै अलिबाबाका संस्थापक ज्याक मा, टेस्लाका सीईओ एलन मस्क, माइक्रोसफ्टका संस्थापक बिल गेट्स, एप्पलका सीईओ टिम कुकलाई पनि निम्ता गरिएको छ।
यसैगरी, फेसबुकका सीईओ मार्क जुकर्बक, टाटा ग्रुपका अध्यक्ष रतन टाटा, सामसोङका सीईओ हान जोङ–ही र अट्रेलियन बिजनेसमेन एन्ड्रयु फरेस्टलाई निम्ता पठाइसकिएको छ।
लगानी सम्मेलनको तयारी तीव्र रूपमा अघि बढाइएको लगानी बोर्डको कार्यालयले जानकारी दिएको छ। निम्ता पठाउने क्रम जारी रहेको लगानी बोर्डका प्रवक्ता प्रद्युम्न उपाध्याय बताउँछन्।
उनका अनुसार अहिलेसम्म बोर्डले विदेशी नियोगमार्फत् १२४ जनालाई निमन्त्रणा पठाइसकेको छ। बोर्डले नेपालस्थित सम्बन्धित देशका राजदूतावासमार्फत् निम्ता पठाइरहेको हो।
विकास साझेदारहरू एसियन डेभलपमेन्ट बैंक (एडीबी), इन्टरनेसनल फाइनान्स कर्पोरेसन, एशियन इन्फ्राइस्टक्चर बैंक, जापानी सहयोग नियोग (जाइका), विश्व बैंक, इन्टरनेशनल फन्ड फर एग्रिकल्चर डेभलपमेन्ट बैंक, (आईएफए), जापान बैंक फर इन्टरनेसनल कोअपरेसनलाई पनि निम्ता गरिएको छ।
‘अहिलेसम्म १२४ लगानीकर्ता र कार्यपत्र प्रस्तोताहरूलाई हामीले निमन्त्रणा पठाइसकेका छौं,’ उपाध्यायले भने, ‘मथिल्लो लेबलमा अर्थमन्त्रीले पनि निमन्त्रणा पठाउनु भएको छ।’
सम्मेलनका लागि सबैभन्दा बढी हाइड्रोपावरसँग सम्बन्धित प्रोजेक्ट छानिएका छन्। ट्रान्समिसन लाइन, रोड तथा विमानस्थलमा पनि लगानी भित्र्याउन आयोजना सोकेशमा राख्ने तयारी मन्त्रालयको छ। ८ करोडमा सम्मेलन सम्पन्न गर्ने सरकारी तयारी छ।
नेपाल उद्योग वाणिज्य महासंघ (एफएनसीसीई)ले सम्मेलनका लागि सात परियोजना बुझाएको छ। महासंघले आइएमई सिमेन्ट, दुई केबलकार, दुई हाइड्रोलगायतका प्रोजेक्ट छनोट गरी प्रस्ताव गरेको हो।
महासंघले सिक्लेस अन्नपुर्ण केवलकार, जाल्पादेवी केवलकार, भक्तपुर आइसल्याण्ड रिसोर्ट एण्ड वाटरल्याण्ड, मध्य कालिगण्डकी हाइड्रो, टिप्ल्याङ कालिगण्डकी हाइड्रो, आइएमई सिमेन्ट र काठमाडौं टेक्निकल स्कुलमा लगानी भित्र्याउन प्रस्ताव गरेको हो।
तीन महिनामा १६ अर्ब बढीको बिजुली भारत र बंगलादेश निर्यात
नीतिगत दरले बैंकको ब्याजदेखि बजारसम्म कसरी असर गर्छ?
मुद्रास्फीतिको दबाबले सर्वसाधारणको जीवनमा कस्तो असर पर्छ?
३ हजारको सामान किनेकी सन्तमायाले जितिन् १० लाख, १ लाख जित्ने १६ जना को? [सूची]
१० लाखमाथिको कारोबारमा सेबोनको निगरानी, लगानीकर्ताको विवरण र रकमको स्रोत जाँचिने
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
मुद्रास्फीतिको दबाबले सर्वसाधारणको जीवनमा कस्तो असर पर्छ?
