आईपिएलमा चेन्नईंले बैंगलोरलाई हरायो

काठमाडौं – इन्डियन प्रिमियर लिग आईपिएलमा चेन्नईं सुपर किंग्सले रोयल च्यालेन्जर्स बैंगलोरलाई ८ रनले हराएको छ। बैंगलोरको मैदानमा सम्पन्न भएको खेलमा घरेलु टिमले २२७ रनको लक्ष्य भेट्न नसकेपछि हार बेहोरेको हो।

खेलको पहिलो पारीमा निर्धारित २० ओभरमा ६ विकेट गुमाएर चेन्नईंले २२६ रन बनाएको थियो। जवाफमा बैंगलोरले आठ विकेट गुमाएर २१८ रन मात्र बनाउन सक्यो।

खेलमा म्यान अफ दि म्याचसमेत रहेका डिभोन कोन्वेले चेन्नईंका लागि ४५ बलमा ८० रन बनाए। शिवम् दुवेले पनि अर्धसतकिय पारी खेलेका थिए। गएराति बलिङमा आएका बैंगलोरका ६ जनै बलरले समान एक-एक विकेट गिराएका थिए।

जवाफमा ग्लेन म्याक्सबेलले ७६ र फाफ डु प्लेसिसले ६२ रन बनाए पनि जितको लागि पर्याप्त भए। उसलाई जित्न नदिने क्रममा चेन्नईंका तुसार देशपान्डेले तीन र मथिशा पाथिरानाले दुई विकेट लिए।

गएरातिको खेलसँगै चेन्नईंले छ अ‌ंक बनाएको छ भने बैंगलोरको चार अंक छ। दुवैले समान ५-५ खेल खेलेका छन्।