स्काईवेल ईटी-५ को अफरोड र्‍याली सम्पन्न

काठमाडौँ- ६२० किमि रेन्ज दिने ‘स्काईवेलको ईटी ५’ को अफरोड र्‍याली सम्पन्न भएको छ। स्काईवेलको लक्जरी यसयुभि ईटी ५ को आयातकर्ता जी मोटर्सले इटहरी सोल्टी वेस्टेन्डबाट सुरु गरेको ३ दिने र्‍यालीको कोशी प्रदेशका पर्यटन मन्त्री गणेश उप्रेतीको उपस्थितिमा सम्पन्न गरेको हो।

उक्त र्‍याली ‘लक्जरी यसयुभि ईटी ५’ सहित २० वटा अन्य अफरोडमा ड्राईभ हुने जिप तथा पिकअपहरुसँगै इटहरी, धरान, भेंडेटार एवं तमोर करिडोर हुँदै फिदिम बजारसमेत पुगेको थियो।

फिदिमबाट ईलामको साखेजुङमा क्याम्प हुँदै भोलिपल्ट इलाम फिक्कल, विर्तामोड र दमकमा कार्यक्रम गरी इटहरी हुँदै विराटनगर पुगेर सम्पन्न भएको कम्पनीले जानकारी दएको छ।

ईलामको साखेजुङ इलाम बजारभन्दा ४० किमी टाढा रहेको अफरोड क्षेत्र हो। उक्त अफरोड मोटर र्‍यालीको उद्देश्य पूर्व क्षेत्रको पर्यटन वृद्धिमा सहयोग पुग्ने अपेक्षा गरिएको छ।

ईभी लक्जरी यसयुभि ईटी ५ले जस्तो सुकै कठिन बाटोको पनि सहज यात्रा गर्न सकिने र पुर्ण यात्राको मज्जा लिन सकिनुका साथै सिङ्ल फुल चार्जमा ६२० किमिभन्दा बढी यात्रा गर्न सकिने जी मोटर्सका प्रबन्ध निर्देशक कैलाश बाबु गेलालले बताए।

ईभी यसयुभिले कठिन बाटोमा पूर्ण लक्जरिका साथै परिवारका ५ जना यात्रा गर्दै क्याम्पिङका सामग्रीसहित यात्रा गर्न सकिने र यसमा सवारीसाधन अब्बल छ भन्ने सन्देश दिन र्‍यली गरिएको कम्पनीको भनाइ छ।

‘हामीले यो प्रिमियम यसयुभि नेपालमा लन्च गर्नु अगावै हाम्रा आम ग्राहकहरुले जस्तोसुकै बाटो त्यो नर्मल रोड होस् वा एक्स्टृम अफरोड होस् जहाँ पनि ढुक्कका साथ लान सक्नुहोस भन्ने उद्देश्यले र्‍यालीमा सहभागिता जनाएका हौं,’ कम्पनीले जारी गरेको विज्ञप्तिमा उल्लेख छ।