भ्याली ग्रुपको ब्रान्ड एम्बेसडर बने नरेश भट्टराई

काठमाडौँ- भ्याली ग्रुपको ब्रान्ड एम्बेसडरमा सञ्चारकर्मी नरेश भट्टराई नियुक्त भएका छन्। बालाजुमा रहेको ग्रुपको कर्पोरेट कार्यालयमा ग्रुपका संस्थापक अध्यक्ष हरिकृष्ण रावलले सोमबार भट्टराईलाई ब्रान्ड एम्बेसडरमा नियुक्तिका लागि सम्झौतापत्रमा हस्तान्तरण गरेका हुन्।

२०४१ सालमा सुपथ मूल्यमा गुणस्तरीय मासुजन्य सामग्रीको व्यापार गर्ने उद्देश्यले स्थापित भ्याली कोल्ड स्टोर प्रालिबाट शुरु भएको भ्याली ग्रुप अहिले मासु प्रशोधनसँगै आधुनिक दाना उद्योग, आधुनिक ह्याचरी उद्योग, पोल्ट्रीसँगै भ्याली एक्सप्रेसको ब्रान्डमा फास्टफुड चेन रेस्टुरेन्टमा समेत सफल व्यावसायिक समूह बनेको छ।

मासुजन्य व्यापारसँग सम्बन्धित मुलुकका विभिन्न स्थानमा फिड इन्डस्ट्री, ह्याचरी उद्योग, आधुनिक वधशाला र फास्ट फुड चेन सञ्चालन गरिरहेको ग्रुपले पोल्ट्री व्यवसाय सम्बन्धी खोज र अनुसन्धानमा समेत संलग्न छ।

भ्याली ग्रुपको उत्पादनसँगै स्वस्थकर मासुको उपभोगमा जनचेतना जगाउन सहकार्य गर्दै सञ्चारकर्मी भट्टराईलाई कम्पनीले ब्रान्ड एम्बेस्डरको रुपमा सहकार्य गरिएको भ्याली ग्रुपका अध्यक्ष रावलले बताए।

‘हाम्रो उदेश्य स्वस्थकर र गुणस्तरिय मासुजन्य सामाग्री लगायतको प्रवर्धन गर्नु हो,’ रावलले भने’ सञ्चारकर्मी भट्टराइसँगको सहकार्यले आम उपभोक्तामा स्वस्थकर मासुजन्य सामाग्रीको उपभोगबारे चेतना बढ्ने हाम्रो विश्वास छ।‘

सञ्चारकर्मी भट्टराईले भ्याली ग्रुपसँग आवद्ध हुन पाएकोमा खुसी व्यक्त गर्दै कम्पनीको साखसँगै स्वस्थकर मासुको उपभोगका लागि उपभोक्तालाई जागरुक गराउन प्रयास गर्ने बताए।