बीवाईडीका एसिया प्यासिफिक महाप्रबन्धकको नेपाल भ्रमण सम्पन्न

काठमाडौँ– बीवाईडी एसिया प्यासिफिक अटो सेल्स डिभिजनका महाप्रबन्धक लिउ जुलियाङले शनिबारदेखि सोमबारसम्म नेपालको भ्रमण गरेका थिए। भ्रमणमा गिलियन लीसहित यात्रुवाहक सवारी कार्यालयका निर्देशक ज्याभी वाङ, उत्पादन प्रबन्धक कैसी के, कानुनी प्रबन्धक र डेपुटी महाप्रबन्धक केत्सु झाङ सहभागी थिए।

ज्युलियाङसहितको टोलीले नक्साल, काठमाडौँ र पुल्चोक, ललितपुरमा रहेको बीवाईडी शोरुमको भ्रमण गर्दै यात्रा सुरु भएको थियो। त्यसपछि, प्रतिनिधिमण्डलले काठमाडौँको गुहेश्वरीमा रहेको बीवाईडी सर्भिस सेन्टरको भ्रमण गरेको थियो।

भ्रमणको मुख्य आकर्षण बीवाई को नेपालमा आधिकारिक वितरक रहेको साइमेक्स इंक प्रालिले आयोजना गरेको ‘बीवाईडी एप्याक नेपाल स्ट्राटेजी समिट : एसिलरेटिङ ग्रोथ टुगेदर’ थियो। मे ५ मा काठमाडौंमा आयोजना भएको यो शिखर सम्मेलनले नेपालमा बीवाईडीको यात्रालाई प्रतिबिम्बित गर्न र भविष्यका प्रयासहरूको लागि पाठ्यक्रम तयार गर्न सरोकारवालाहरूका लागि सहयोगी मञ्चको रूपमा काम गरेको कम्पनीले जनाएको छ। जुलियाङले सन् २०२२ र २०२३ मा ६० प्रतिशतभन्दा बढी ईभी प्रवेशमा नेपालले गरेको उल्लेखनीय उपलब्धिको प्रशंसा गर्दै दिगो गतिशीलतातर्फ राष्ट्रको प्रगतिशील अडानमाथि प्रकाश पारेका थिए।

त्यस्तै बीवाईडीको उपलब्धिहरू र यसका साझेदारहरू र कर्मचारीहरूको योगदानको सम्मानमा साइमेक्स इंकले काठमाडौँ मेरियट होटलमा ’बीवाईडी गाला नाइट’ आयोजना गरिएको थियो। कार्यक्रममा बीवाईडीको सफलतामा महत्वपूर्ण भूमिका खेलेका व्यक्तिहरूलाई सम्मान गरिएको थियो। भ्रमणका क्रममा प्रतिनिधि मण्डलले प्रधानमन्त्री पुष्पकमल दाहाल (प्रचण्ड) सँग भेट पनि गरेको थियो।