संसदीय छानबिन समिति बनाउन सत्तापक्ष सहमत, टीओआर बनाउने कार्यदल गठन

काठमाडौँ- संसदीय छानबिन समिति बनाउन सत्तापक्ष सहमत भएको छ।

प्रधानमन्त्री निवास बालुवाटारमा भएको सत्तापक्ष र प्रमुख प्रतिपक्षी दल नेपाली कांग्रेसबीचको छलफलले सहमति जुटाएको हो।

छानबिन समितिको टीओआर (कार्यादेश) बनाउन कानुनमन्त्री पदम गिरीको संयोजकत्वमा कार्यदल गठन गर्नेसमेत सहमति भएको छ।

टीओआर कार्यदलमा एमालेका महेश बर्तौला, कांग्रेसका जीवन परियार र रास्वपाका शिशिर खनाल रहनेछन्।

सहकारी ठगीको आरोप लागेका उपप्रधानमन्त्री तथा गृहमन्त्री रवि लामिछानेमाथि छानबिन गर्न संसदीय समिति गठन गर्नुपर्ने माग कांग्रेसले गर्दै आएको थियो।

तर रविविरुद्ध प्रहरीमा उजुरी नपरेको र अनुसन्धान पनि नभएको भन्दै छानबिन समिति गठन गर्न सरकार र सत्ता गठबन्धनले भने अस्वीकार गर्दै आएका थिए।

संघीय संसदको हिउँदे अधिवेशन सुरु भएको दिन वैशाख २८ गतेदेखि नै नेपाली कांग्रेसले प्रतिनिधिसभा र राष्ट्रियसभा दुवै सदन लगातार अवरोध गर्दै आएको छ।

उसले संसदीय छानबिन समिति गठन नभएसम्म सदन चल्न नदिने उसले अडान लिएको थियो।