खेल रद्द भएपछि इमर्जिङ कपमा पुग्यो ओमन

काठमाडौँ- काठमाडौंमा लगातार वर्षा भएपछि एसीसी प्रिमियर कपमा आज तेस्रो स्थानको लागि भइरहेको खेल पनि रद्द भएको छ। त्रिवि क्रिकेट मैदानमा तेस्रो स्थानको लागि कुवेत र ओमनको खेल चलिरहेको समयमा वर्षा भएपछि खेल रद्द भएको हो।

खेल रद्द भए पनि ओमानले आगामी जुलाईमा हुने एसीसी इमर्जिङ टिम्स एसिया कपको लागि स्थान सुरक्षित गरेको छ।

त्रिवि मैदानमा दोस्रो इनिङ चलिरहेकै समयमा वर्षा भएपछि आईसीसीको ओडीआई वरीयतामा अघिरहेको कारण ओमान इमर्जिङ टिम्स एसिया कपमा पुगेको आयोजकले जानकारी दिएको छ। ओमन कपको तेस्रो टिमसमेत बनेको छ

आजको खेलमा कुवेतले दिएको १ सय ३१ रनको सामान्य विजयी लक्ष्य पछ्याएको ओमानले ६ ओभरमा ४१ रन बनाउँदा कुनै विकेट नगुमाउँदा वर्षाको कारण खेल रोकिएको थियो। टस हारेर पहिले ब्याटिङ गरेको कुवेत ३१ दशमलव ३ ओभरमा १३० रन बनाएर अलआउट भएको थियो।

कुवेतका लागि ओपनर आदनान इद्रिसले ४८ बलमा ३४ रन बनाउँदा सईद मुनिबले १० बलमा २८ रन, यासिन पटेलले १७ रन बनाउनुका साथै राजिब सान्दारुवान र कप्तान मोहम्मद अस्लामले समान १२–१२ रन बनाएका छन्।

ओमानका लागि जय ओडिडराले सर्वाधिक ५ विकेट लिए। बिलाल खानले २ तथा आयान खान,जिशान मक्शुद र जतिन्दर सिंहले समान १–१ विकेट लिए।

प्रतियोगिताको फाइनल खेलमा सोमबार नेपालले युएईको सामना गर्नेछ।