यस्तो छ २ बस बगाएको त्रिशुली किनार [तस्बिरहरू]

काठमाडौँ- नारायणगढ मुग्लिङ सडक खण्ड अन्तर्गतको सिमतालमा पहिरोले दुई वटा यात्रुबाहक बस बगाउँदा ६० जना बेपत्ता भएको स्थानमा उद्धार कार्य सुरु भएको छ।

ससशस्त्र प्रहरी बलसहितका सुरक्षाकर्मीको टोली घटनास्थलमा परिचालन भएको हो।

प्रधानमन्त्री पुष्पकमल दाहाल ‘प्रचण्ड’ले पहिरोले दुई बस बगाउँदा ५ दर्जन यात्रु बेपत्ता भएको फेसबुकमा लेखेका छन्।

लेदोसहितको पहिरोका कारण बसलाई बगाएर त्रिशूलीमा मिसाएको इलाका प्रहरी कार्यालय मुग्लिङकी प्रहरी निरीक्षक निरला भण्डारीले जानकारी दिइन्।

उनका अनुसार बेपत्ता यात्रुको संख्या ६० भन्दा बढी हुन सक्ने सम्भावना छ।

वीरगञ्जबाट काठमाडौँतर्फ जाँदै गरेको बागमती प्रदेशको १५१६ नम्बरको एन्जल डिलक्स लेखेको यात्रुबाहक बस र काठमाडौँबाट गौरतर्फ जाँदै गरेको नम्बर नखुलेको गणपति डिलक्स लेखेको बस पहिरोले बगाएको हो।

गणपति डिलक्सबाट ३ यात्रुले हामफालेर ज्यान जोगाएका छन्। चितवनका प्रमुख जिल्ला अधिकारीका इन्द्रदेव यादवका अनुसार एन्जलमा २४ जना र गणपतिमा ४१ जना यात्रु रहेका थिए।

दुवै बसमा सवार बाँकी यात्रुको अवस्था अज्ञात छ।

यस्तो छ अवस्था