अनर किन्दा थाइल्यान्ड घुम्ने अवसर

काठमाडौँ- अनर नेपालले दशैं, तिहार, छठजस्ता नेपालीहरुको चाडपर्वलाई लक्षित गर्दै विभिन्न अफर सार्वजनिक गरेको छ । यसवर्ष अनर ले ‘अनर किन्नुहोस्, थाइल्यान्ड घुम्नुहोस् !’ अभियान ल्याएको छ, जसमा कुनै पनि अनर स्मार्टफोन किन्दा ग्राहकहरूले थाइल्यान्ड भ्रमण र अन्य अविश्वसनीय पुरस्कार जित्ने मौका पाउने कम्पनीले जनाएको छ ।

यो अफर ७ नोभेम्बर २०२४ सम्म नेपालभरका सबै अनर एक्सक्लुसिभ पसल र अधिकृत विक्रेताहरूमा उपलब्ध हुनेछ । हरेक अनर स्मार्टफोनको खरिदले यस रोमाञ्चक अभियानमा सहभागी हुन पाउने कम्पनीको भनाइ छ ।

अफरअन्तर्गत ग्राहकले ग्रान्ड पुरस्कारमा थाइल्यान्ड भ्रमण, अप्रिला एसआर १२५ स्कुटर र अनर म्याजिक भी२ प्राप्त गर्नेछन् । यस्तै साप्ताहिक पुरस्कारमा मार्सल स्पिकर र अनर २०० तथा दैनिक पुरस्कारमा अनर च्वाइस एयरबर्डस् एक्स५ र सीके जीटी घडी पाउने कम्पनीले जनाएको छ ।

अफर सार्वजनिक गर्दै अनर नेपालका राहुल राठीले भने, ‘हामी दशैंको यस पावन अवसरमा हाम्रो अनर किन्नुहोस्, थाइल्यान्ड घुम्नुहोस्! अभियान ल्याउन पाउँदा अत्यन्तै खुशी छौं। हाम्रो उद्देश्य ग्राहकहरूको दशैंलाई अझ विशेष र सम्झनलायक बनाउन उत्कृष्ट पुरस्कारहरू प्रदान गर्नु हो।’