९ सचिवको सरुवा, को कहाँ? [सूचीसहित]

सरकारले ९ जना सचिवहरूको सरुवा गरेको छ। २६ गते बसेको मन्त्रिपरिषद बैठकले राजपत्रांकित विशिष्ट श्रेणीका ९ कर्मचारीको सरुवा गरेको हो। उक्त निर्णय सोमबार मात्रै सार्वजनिक गरिएको हो।

महिला, बालबालिका तथा ज्येष्ठ नागरिक मन्त्रालयका सचिव दिनेश भट्टराईलाई उपराष्ट्रपतिको कार्यालय सरुवा गरिएको छ।

संघीय मामिला तथा सामान्य प्रशासन मन्त्रालयका सचिव भरतमणि सुवेदीलाई निर्वाचन आयोगमा पठाइएको छ।

युवा तथा खेलकुद मन्त्रालयका सचिव सुमनराज अर्याललाई प्रधानमन्त्री तथा मन्त्रिपरिषद्को कार्यालयमा तानिएको छ।

संस्कृति, पर्यटन तथा नागरिक उड्डयन मन्त्रालयका सचिव डा गणेशप्रसाद पाण्डेय महालेखा नियन्त्रक– महालेखा नियन्त्रक कार्यालयमा पठाइएको छ।

प्रधानमन्त्री तथा मन्त्रिपरिषद्को कार्यालयका सचिव डा कृष्णहरि पुष्कर श्रम, रोजगार तथा सामाजिक सुरक्षा मन्त्रालयमा जाने भएका छन्।

निर्वाचन आयोगका सचिव रविलाल पन्थले संघीय मामिला तथा सामान्य प्रशासन मन्त्रालयको जिम्मेवारी पाउनेछन्।

यस्तै, श्रम, रोजगार तथा सामाजिक सुरक्षा मन्त्रालयका सचिव मुकुन्दप्रसाद निरौलालाई सार्वजनिक खरिद अनुगमन कार्यालय (सचिव)मा पठाइएको छ।

महालेखा लियन्त्रक कार्यालयक (महालेखा नियन्त्रक) विनोदप्रकाश सिंहले संस्कृति, पर्यटन तथा नागरिक उड्डयन मन्त्रालयमा जानुपर्ने भएको छ।

उपराष्ट्रपतिको कार्यालयका सचिव लक्ष्मीकुमारी बस्नेतलाई महिला, बालबालिका तथा ज्येष्ठ नागरिक मन्त्रालय पठाइएको छ।