कस्तो होला आइफोन १७ ? डिजाइनमा परिवर्तन, चार मोडलमा आउने

एजेन्सी – एप्पलको आगामी आइफोन १७ सिरिजको बारेमा धेरै जानकारीहरू बाहिरिएका छन्।

कम्पनीले भर्खरै सस्तो किफायती आइफोन १६ ई लन्च गरेको छ। रिपोर्टहरूलाई विश्वास गर्ने हो भने कम्पनीले आगामी आइफोन मोडेलको डिजाइनमा परिवर्तन गर्न सक्नेछ।

कम्पनीले आगामी आइफोन १७ सिरिजमा ठूलो क्यामेरा मोड्युल प्रदान गर्न सक्नेछ, जुन धेरै मात्रामा गुगल पिक्सेलजस्तै हुनेछ। आगामी आइफोन १७ सिरिजको कथित क्याड बेस्ड रेन्डरले डिजाइनबारे धेरै जानकारी दिएको हो।

टिप्सर मजिन बुले सामाजिक सञ्जाल एक्समा आइफोन १७ सिरजको कथित क्याड बेस्ड रेन्डर सेयर गरेका छन्। यी रेन्डरहरूले देखाउँछन् कि कम्पनीले यस पटक आफ्नो आइफोन मोडेलहरूको डिजाइनमा परिवर्तन गर्न सक्छ। रेन्डरले कम्पनीले चार वटा मोडल लन्च गर्न सक्ने पनि देखाउँछ। यी रेन्डरहरूले यी चार मोडेलहरू संकेत गर्छन् । अर्थात् आइफोन १७ आइफोन १७ प्रो आइफोन १७ प्रो म्याक्स र आइफोन १७ एअर हुनेछन्।

यी क्याड इमेजबाट थाहा हुन्छ कि आइफोन १७ एअर स्लिम मोडलको हुनेछ। यसमा एउटा मात्र प्राइमरी क्यामेरा र एलईडी फ्ल्यास देखिनेछ।
आइफोन १७ पनि आइफोन १६ जस्तै हुने देखाइएको छ। यसमा दुईवटा क्यामेरा सेन्सरहरू हुनेछन्, जुन ठाडो रूपमा सेट गरिएका छन्। केही मिडिया रिपोर्टमा भनिएको छ कि आइफोन १७ को क्यामेरा मोड्युल आइफोन १६ जस्तै हुनेछ। यसमा कुनै परिवर्तन हुने छैन।

आइफोन १७ को प्रो र प्रो म्याक्स का रेन्डरहरू हेर्दा यसले यसको डिजाइनमा भने परिवर्तन हुने देखिन्छ। कम्पनीले यी दुवैमा ठूलो क्यामेरा मोड्युल उपलब्ध गराउने छ, जुन गुगलको पिक्सेल सिरिजसँग मिल्दोजुल्दो छ।

यसमा तीनवटा क्यामेरा सेन्सरहरू हुनेछन्, जुन त्रिभुज लेआउटमा दिइनेछ। यससँगै फ्ल्यास र माइक्रोफोनको कटआउट पनि देख्न सकिन्छ। रेन्डर हेर्दा कम्पनीले आगामी आइफोन १७ प्रोलाई डुअल कलर टोनमा प्रस्तुत गर्न सक्छ भन्ने अनुमान गर्न सकिन्छ।