सेमीफाइनलमा नेपाल र काजकस्तान भिड्दै

काठमाडौं – तेस्रो संस्करणको काभा अन्तर्राष्ट्रिय महिला भलिबल च्यालेन्ज कपअन्तर्गत नेपालले शुक्रबार कजाकस्तानको सामना गर्दैछ। प्रतियोगिताको दोस्रो सेमिफाइनल खेलमा आयोजक नेपालले पाहुना टोलि कजाकस्तानको सामना गर्न लागेको हो।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा साँझ पाँच बजे सुरु हुने खेलमा फाइनल पुग्ने लक्ष्यका साथ नेपाल सेमीफाइनलमा खेल्नेछ। नेपाल आज कजाकस्तानलाई हराएरको अवस्थामा फाइनलमा भारत र उज्वेकिस्तानको खेलको विजेतासँग खेल्ने मौका पाउने छ।

तर समूह बी को विजेता रहेको काजकस्तान एसियाकै उच्च वरियतामा रहेको टिम हो। उसलाई हराउन सजिलो भने छैन्। यता नेपाली मैदानमा पहिलो पटक आएको कजाकस्तान पनि नेपाललाई हराएर उपाधि नजिक पुग्न चाहन्छ। कजाकस्तान समूह ‘बी’ को विजेता बन्दै अन्तिम चारमा पुगेको हो।

उसले सबै खेलमा जित निकालेको छ। नेपाले भने दुई खेलमा जित निकालेर एक खेलमा हार बेहोरेको थयो। यता, पछिल्लो खेलमा हार बेहोरेपछि नेपाली टिमका प्रशिक्षक यान डे ब्रान्टले भारतमा खेलाडी अग्ला भएको र ब्लक गर्न नकसकेको बताएका थिए। काजकस्तानविरुद्धको खेलमा पनि सोही समस्या दोहोरिने प्रवल सम्भावना रहेको छ।

आजको पहिलो खेलमा समूह ए को विजेता भारत र समूह बी को उपविजेता उज्वेकिस्तानबीच प्रतिस्पर्धा हुनेछ। दुई टोलीबीचको खेल दिउँसो साढे दुई बजे कभर्डहलमा सुरु हुनेछ।