पहिले सेट नजित्नु नै हाम्रो हारको कारण भयोः प्रशिक्षक ब्रान्ट

काठमाडौं – ‘पहिलो सेटमा जित निकाल्न नसक्नु नै आज हाम्रो हारको मूख्य कारण भयो। पहिलो सेटमा जित निस्किएको भए हामीले आज सोझो सेटमा जित निकाल्ने थियौँ,’ काभा महिला भलिबल च्यालेन्ज कपको सेमीफाइनलमा काजकस्तानसँग ३–२ को सेटमा हार बेहोरेपछि नेपाली टिमका प्रशिक्षक यान डे ब्रान्टले भनेका छन्।

उनको प्रशिक्षणमा नेपालले विगत साढे दुई महिनादेखि अभ्यास गरिरहेको छ। तर समूह चरणको अन्तिम खेलमा भारतलाई हराउन नसकेको यो टिमले आज काजकस्तानविरुद्ध जित निकाल्दै फाइनल पुग्ने विश्वास गरिएको थियो। तर उसले पाँचौ सेटमा गएर हार बेहोरेको हो।

खेलको बीचको दोस्रो र तेस्रो सेटमा नेपालले राम्रो प्रदर्शन गर्दै जित निकालेको थियो। ‘नेपाल निकै बलियो प्रतिद्वन्दी रह्यो। हामीलाई उसले धेरै पटक रोेक्यो। साथै यहाँको समर्थक र उनीहरुको क्राउडले पनि हामीलाई प्रस्टेटेड बनाएको थियो,’ खेलपछि काजखस्तानका प्रशिक्षकले काजाकोभ अजतले भनेका छन्।

तर उनलको टिमले पहिलो सेटमा भने संर्षपूर्ण जित निकालेको भने हो पहिलो सेटमा नेपालले जितका लागि लगातार चार सेट पोइन्ट पाएको थियो। यता काजकस्तानले दुई वटा मात्र सेट पोइन्ट पाएको थियो। तर नेपालले अग्रतालाई बढाउन नसकेपछि २८–३० को हार बेहोरेको हो।
तर दोस्रो र तेस्रो सेटमा नेपालले सानदार जित निकाल्यो। दोस्रो सेटमा पाहुना टोलीलाई २५–१६ स्तब्ध पार्यो भने तेस्रो सेटमा नेपालले २५–१२ ले हरायो। त्यसअघि १–० पछि परेको नेपालले खेललाई २–१ ले लिड डरेको थियो।

तर चौथो सेटमा आएपछि प्रशिक्षकले सेटका खेलाडीलाई रेस्ट दिए। ‘हामीले प्रशिक्षकका धेरै कुरा बुझेनौ कि। पहिलो सेटमा राम्रो गर्दै गर्दै सर्भिसमा अलि धेरै गल्ती भएर सेट गुमाउनु पग्यौँ। दोस्रो र तेस्रो जितेर कमब्याक पनि गरेको हो तर प्रशिक्षकले सबैलाई चेन्ज गराउनु भयो। अन्तिम सेटमा चाहीँ आफैंले धेरै गल्ती गरेपछि जित निकाल्न सकिएन,’ खेलपछि कप्तान अरुणा साहीले भनिन्।

उनले पछिल्लो समय नेपालले डिफेन्स, रिसिभ र सर्भिसमा धेरै मिहिनेत गरिहेको बताएकी छन्। आजको सेमीफाइनल खेलमा डिफेन्स राम्रो भए पनि रिसिभ र सर्भिस मिस भएपछि खेलमा जित निकाल्न नसकेको उनको मत छ।