‘साधारण खर्च १२ खर्ब २५ अर्ब ८० करोड पुग्यो’

काठमाडौं – प्रतिनिधि सभा र राष्ट्रिय सभाको संयुक्त बैठकमा नेपाल सरकारका तर्फबाट आर्थिक वर्ष २०८०–८१ को बजेट प्रस्तुत गदै अर्थमन्त्री डा. प्रकाशशरण महतले साधारण खर्च बढ्दा त्यसले अर्थतन्त्रमा समस्या निम्तिएको बताएका छन्।

सोमबार आगामी आर्थिक वर्ष २०८०–८१ को बजेट प्रस्तुत गर्दै उनले अर्थतन्त्रमा रहेका समस्या प्रस्तुत गरेका हुन्।

अर्थमन्त्री महतले साधारण खर्चमात्र १२ खर्ब २५ अर्ब ८० करोड पुगेको बताएका हुन्।

संरचनात्मक तथा केही नीतिगत समस्या रहेको भन्दै उनले रूसûयुक्रेन युद्धले आपूर्तिमा असर गरेको बताएका छन्। उच्च ब्याजदर, पूँजीगत खर्च नबढेको, समष्टिगत मागमा कमी आएका कारण पनि अर्थतन्त्र समस्यामा परेको बताए।

मुद्रास्फीति नियन्त्रण र विनिमय सञ्चिति कायम गर्न लिएका नीतिले पनि समस्या बढाएको उनको भनाइ रहेको छ। पछिल्लो समय सूचकांकहरु सुधारोन्मुख रहेको समेत उनले बताएका हुन्।

त्यस्तै उनले मुलुकको अर्थतन्त्रमा देखिएको चुनौतिलाई समाधान गर्दै निजी क्षेत्रको मनोवल उच्च बनाउँदै उच्च आर्थिक बृद्धिदर हासिल गर्नेदिशातर्फ आगामी आर्थिक वर्षको बजेट तथा कार्यक्रम लक्षित भएको बताएका छन्।

सामाजिक न्याय कायम गर्ने, गरिबि न्युनिकरण गर्ने, दिगो विकास विकासका लक्ष्य हासिल गर्नेतर्फ उन्मुख भएको उनले बताएका छन्।