बागमतीमा मुख्यमन्त्रीसहित ९ मन्त्रीले लिए शपथ, कसले पाए कुन मन्त्रालय?

काठमाडौँ- बागमती प्रदेशका नवनियुक्त मुख्यमन्त्री ईन्द्रबहादुर बानियाँ र ८ जना मन्त्रीहरूले शपथ लिएका छन्।

प्रदेश प्रमुख दीपकप्रसाद देवकोटाले नवनियुक्त मुख्यमन्त्री र मन्त्रीहरूलाई मंगलबार अपराह्न शपथ गराएका हुन्।

मकवानपुरको हेटौंडास्थित प्रदेश प्रमुखको कार्यालयमा शपथ कार्यक्रम भएको हो।

कांग्रेसका २ र एमालेका ६ गरी ८ जना मन्त्रीहरू नियुक्त भएका हुन्। मुख्यमन्त्री बानियाँ कांग्रेस संसदीय दलका नेतासमेत हुन्।

नेकपा (एमाले) बाट मन्त्री हुनेहरू
१. दिनेशचन्द्र देवकोटा, भौतिक पूर्वाधारमन्त्री

२. जयराम थापा, श्रम तथा रोजगारमन्त्री

३. भरतबहादुर केसी वन तथा वातावरणमन्त्री

४. मधुसुदन पौडेल, कृषि तथा पशुपंक्षीमन्त्री

५. विन्दु श्रेष्ठ, उद्योगमन्त्री

६. किरण थापा मगर, स्वास्थ्यमन्त्री

नेपाली कांग्रेसबाट मन्त्रीहरू

१. कृष्णकुमार तामाङ, खानेपानीमन्त्री

२. शिवराज अधिकारी (मन्त्रालय तोक्न बाँकी)

कांग्रेसले पाएका अरू मन्त्रालयहरूमा मन्त्री नियुक्त गर्न बाँकी छ।

यसअघि बागमतीमा कांग्रेस नेतृत्वमै सरकार थियो।

बहादुर सिंह लामा तामाङ मुख्यमन्त्री थिए। उनले कांग्रेस संसदीय दल नेताको हैसियत गुमाएपछि मुख्यमन्त्री पदबाट पनि राजीनामा दिएका थिए भने कांग्रेसका नयाँ संसदीय दल नेता बानियाँ मुख्यमन्त्री बनेका हुन्।

मुख्यमन्त्रीले ५ मन्त्रालय आफैसँग राखेका छन्।