प्राइम टायल्सले पायो एनएस प्रमाणपत्र

काठमाडौँ: प्राइम टायल्सले नेपाल सरकारअन्तर्गतको नेपाल गुणस्तर तथा नापतौल विभागबाट एनएस ६१७ अनुसारको एनएस प्रमाणपत्र प्राप्त गरेको छ। यससँगै प्राइम टायल्स नेपालको वाल र फ्लोर टायल क्षेत्रमा पहिलो तथा हालसम्मकै एकमात्र एनएस प्रमाणपत्र प्राप्त गर्ने टायल कम्पनी बनेको छ।

यस प्रमाणपत्रले प्राइम टायल्सका उत्पादनहरू राष्ट्रिय गुणस्तर मापदण्डअनुसार परीक्षण, प्रमाणीकरण र स्वीकृत भएको औपचारिक पुष्टि गर्दछ। यो उपलब्धि उच्च गुणस्तर, दीर्घकालीन टिकाउपन, सुरक्षित प्रयोग तथा आकर्षक डिजाइनप्रतिको प्रतिबद्धता भएको कम्पनीले बताएको छ।

प्राइम टायल्सका वाल तथा फ्लोर टायलहरू घर, कार्यालय तथा व्यावसायिक भवनहरूका लागि प्रयोग हुँदै आएका छन्। एनएस प्रमाणपत्र प्राप्तिसँगै प्राइम टायल्स ले नेपाली निर्माण सामग्री उद्योगमा गुणस्तर र विश्वसनीयताका नयाँ मापदण्डहरू स्थापित गरेको कम्पनीले जनाएको छ।

प्राइम टायल्स ब्रान्ड प्राइम सेरामिक्स प्राइभेट लिमिटेडद्वारा प्रवर्द्धित हो, जुन सन् २०२१ मा स्थापना भएको नेपालको अग्रणी सिरेमिक टायल उत्पादन कम्पनी हो। रौतहट जिल्लाको बृन्दावन नगरपालिकामा अवस्थित अत्याधुनिक प्लान्टबाट फ्लोर र वाल टायल दुवै उत्पादन गर्ने नेपालकै एकमात्र उद्योगका रूपमा पीसीपीएल सञ्चालनमा छ। वार्षिक ४० लाख वर्ग मिटर उत्पादन क्षमता र ३ अर्ब रुपैयाँभन्दा बढीको लगानीसहित कम्पनीले छोटो समयमै बजारमा सशक्त उपस्थिति जनाएको छ।