आरवाईडी नेपालले अत्याधुनिक वर्कसप सञ्चालनमा ल्याउँदै, एक सय बाइकमार्फत सेवा विस्तार

काठमाडौँः सवारी साधन सेवा क्षेत्रमा आफ्नो छुट्टै पहिचान बनाउँदै आएको आरवाईडी नेपालले सेवाको गुणस्तर थप सुदृढ गर्न अत्याधुनिक वर्कसप सञ्चालनमा ल्याउने भएको छ। ग्राहकलाई गुणस्तरीय तथा छिटोछरितो सेवा प्रदान गर्ने उद्देश्यसहित कम्पनीले आफ्नो पूर्वाधार विस्तार गर्दै कपनमा छिट्टै वर्कसप सञ्चालन गर्ने तयारी गरेको हो।

सुरुवाती चरणमा हिरो सुपर स्प्लेन्डर का ५० वटा बाइकबाट सेवा सुरु गरेको कम्पनीले हाल आफ्नो क्षमता विस्तार गरी १ सय वटा बाइक पुर्‍याएको जनाएको छ।

कम्पनीका अनुसार नयाँ अत्याधुनिक वर्कसप सञ्चालनमा आएपछि बाइकहरूको नियमित मर्मत–सम्भार सहज हुने, सुरक्षा स्तर बढ्ने तथा कार्यक्षमतामा सुधार आउने अपेक्षा गरिएको छ।

आरवाईडी नेपाल काठमाडौंका सडकमा हजारौँ युवालाई रोजगारीको अवसर प्रदान गर्ने उद्देश्यसहित नयाँ बाइक भाडामा उपलब्ध गराउने प्लेटफर्म हो। कम्पनीले बजारमा रहेका पुराना तथा जीर्ण बाइकभन्दा फरक, ब्रान्ड–न्यू बाइकहरू मात्र भाडामा उपलब्ध गराउने नीति लिएको छ, जसले राइडरलाई मर्मत खर्च र अनावश्यक झन्झटबाट मुक्ति दिने विश्वास गरिएको छ।

राइडरहरूले पहिलो दिनदेखि नै कमाइ सुरु गर्न सक्ने व्यवस्था मिलाइएको कम्पनीले जनाएको छ। कम्पनीले प्रतिदिन ८०० रुपैयाँ मात्र भाडा तोकेको छ, जसमा कुनै लुकेको शुल्क वा अतिरिक्त जटिलता नरहेको स्पष्ट पारिएको छ।

यसैगरी, कम्पनीले डेढ वर्षभित्र आफ्नै बाइकको मालिक बन्न सक्ने मोडलसमेत तयार गरेको छ, जसले राइडरहरूको भविष्य निर्माणमा सहयोग पुग्ने अपेक्षा गरिएको छ।

राइडरहरूलाई सुरुवातमै हेल्मेट, फोन होल्डर, रेनकोट तथा एकपटक सगुनस्वरूप १ हजार ५०० रुपैयाँ बराबरको पेट्रोल उपलब्ध गराइने कम्पनीले जनाएको छ।

आरवाईडी नेपालको उद्देश्य केवल बाइक भाडामा दिने कम्पनी बन्नु मात्र नभई राइडरहरूको भविष्य निर्माण गर्ने प्लेटफर्मका रूपमा स्थापित हुनु हो। राइडरलाई पहिलो प्राथमिकतामा राख्दै उनीहरूले भोग्ने समस्याको समाधानमा कम्पनी अभिभावकको भूमिकामा रहने प्रतिबद्धता जनाएको छ। सुरक्षित र झन्झटरहित यात्राको सहयात्री बन्न कम्पनी प्रतिबद्ध रहेको बताइएको छ।