मकसुदले शतक प्रहार गरेपछि नेपालले पायो २६८ रनको लक्ष्य

काठमाडौं – जिम्बावेमा जारी आइसीसी एकदिवसीय विश्वकप छनोटको वार्मअप खेलमा ओमानले नेपाललाई २६८ रनको लक्ष्य दिएको छ। जिम्बावेको हरारे स्पोर्ट्स क्लबमा टस जितेर पहिले ब्याटिङ गरेको ओमानले ४९ दशमलब २ ओभरमा सबै विकेट गुमाएर २६७ रन बनाएपछि नेपालले सो लक्ष्य पाएको हो।

नेपालले बलिङमा निकै राम्रो सुरुआत गरेको थियो। तर ओमनले चौथो विकेट गएपछि विकेट सम्हालेर खेलपछि उसले प्रतिस्पर्धात्मक लक्ष्य दिन सकेको हो। ओमानका लागि कप्तान जिशान मकसुदले १०९ रनको शतकीय पारी खेलेका छन्।

नेपाली बल सोमपाल कामीले तीन र करण केसीले एक विकेट गिराएपछि ६ ओभर २ बलमा ७ रन जोडेर चार विकेट गुमाएको थियो। पाँचौ विकेटका लागि कप्तान मकसुद र सोयब खानले ९४ रनको साझेदारी गरेरे ओमनलाई जोगाएका थिए। खेलमा सोयबले ३८ रन र आयान खानले ५६ रनको अर्धशतकीय ईनिङ खेले।

आठौं विकेटका लागि खान र नसिम खुसिले २८ रनको महत्वपूर्ण साझेदारी गर्दै टोलीलाई बलियो योगफलमा पुर्याए। त्यस्तै, सन्दीप गोडीले १५ तथा नसिम खुसिले १७ रन बनाए।

खेलभरमा नेपालका लागि सोमपाल कामीले ५, सन्दीप लामिछानेले ३ र करण केसी, प्रतिश जिसीले समान १–१ विकेट गिराए।