शुक्रबार दोहोरो अंकले घट्यो नेप्से, करिब ९ अर्बको कारोबार

काठमाडौँः साताको अन्तिम कारोबार दिन शुक्रबार नेपाल स्टक एक्सचेञ्ज (नेप्से) परिसूचक दोहोरो अंकले घटेको छ। आज नेप्से परिसूचक १३.४६ अंकले घटेर २ हजार ८३७.७७ विन्दुमा बन्द भएको हो।

गत आइबार बसेको मन्त्रिपरिषद् बैठकले शनिबार र आइतबार सार्वजनिक बिदा दिने निर्णय गरेपछि आइतबारको सट्टा शुक्रबार बजार खुलेको हो।

आज २ करोड १० लाख कित्ता सेयर खरिद–बिक्री हुँदा ८ अर्ब ९९ करोड ३२ लाख रुपैयाँ बराबरको कारोबार भएको छ।

त्यसैगरी, आज ५६ कम्पनीको सेयर मूल्य बढेको छ भने २०९ कम्पनीको सेयर मूल्यमा गिरावट आएको छ। ३ कम्पनीको सेयरमूल्य स्थिर छ।

भुजुङ हाइड्रोपावर, सुपर खुदी हाइड्रोपावर, होटल फरेष्ट इन, पाल्पा सिमेन्ट, रिज लाइन इनर्जी, सूर्यकुण्ड हाइड्रो इनर्जी र शिखर पावर डेभलपमेन्टको सेयरमूल्यमा सकारात्मक सर्किट लागेको छ भने सर्वाधिक कारोबार नेशनल हाइड्रोपावर कम्पनीको भएको छ। कम्पनीको ५१ करोड ३२ लाख रुपैयाँ बराबरको सेयर किनबेच भएको छ।