मारुती सुजुकीको खारखोडा प्लान्ट सञ्चालनमा, ब्रेजा र भिक्टोरिस गाडी उत्पादन

एजेन्सी। भारतको ठूलो अटो कम्पनी मारुती सुजुकी लिमिटेडले आजदेखि दोस्रो प्लान्टबाट गाडी उत्पादन थालेको छ। मारुती सुजुकीले भारतको हरियाणा राज्यस्थित खारखोडा प्लान्टबाट गाडी उत्पादन थालेको हो।

नयाँ प्लान्टको वार्षिक उत्पादन क्षमता २.५ लाख युनिट छ। यो थपिएसँगै, कम्पनीको सबै सुविधाहरूमा कुल उत्पादन क्षमता वार्षिक २६.५ लाख युनिट पुगेको छ।

मारुती सुजुकीले आफ्नो उत्पादन क्षमता चार उत्पादन स्थानहरूमा फैलिएको बताएको छ। गुरुग्राममा प्रतिवर्ष ५ लाख युनिट, मानेसरमा ९ लाख युनिट, गुजरातको हंसलपुरमा ७.५ लाख युनिट र खारखोडामा अहिले ५ लाख युनिट क्षमता छ।

कम्पनीले यो विस्तार आर्थिक वर्ष २०२६/०२७ मा ५ लाख युनिट उत्पादन क्षमता थप्ने पहिले घोषणा गरिएको योजनाको एक हिस्सा भएको बताएको छ।

मारुती सुजुकीले खारखोदा प्लान्टबाट कम्प्याक्ट एसयूभी ब्रेजा र मध्यम आकारको एसयूभी भिक्टोरिस उत्पादन थालेको छ।

एक पटक पूर्ण रूपमा सञ्चालनमा आएपछि खारखोदा सुविधा सुजुकीको सबैभन्दा ठूलो चार पाङ्ग्रे सवारी साधन उत्पादन स्थानहरू मध्ये एक बन्नेछ। जसको क्षमता वार्षिक १० लाख सवारी साधन उत्पादन गर्ने छ।

खारखोदा सुविधाको शिलान्यास अगस्ट २०२२ मा प्रधानमन्त्री नरेन्द्र मोदीले गरेका थिए।