बाढी प्रभावित व्यक्ति र व्यावसायिक संस्थाका लागि प्याकेज तयार गर्ने जिम्मा अर्थ मन्त्रालयलाई

काठमाडौँ: सरकारले अर्थमन्त्रालयलाई बाढी प्रभावित व्यक्ति र व्यावसायिक संस्थाका लागि राहत प्याकेज तयार गर्ने जिम्मा दिएको छ।

शुक्रबार बसेको मन्त्रिपरिषद् बैठकले राहत प्याकेज तयार गर्न अर्थमन्त्रालयलाई निर्देशन दिने निर्णय गरेको सरकारका प्रवक्ता एवं शिक्षामन्त्री सस्मित पोखरेलले जानकारी दिए।

अर्थले  नेपाल–चीन सीमा रसुवागढी एवं भोटेकोशी नदी तथा तल्लो तटीय क्षेत्रमा आएको बाढीबाट प्रभावित जिल्लाहरूमा क्षति पुगेका व्यक्ति तथा व्यवसायिक संस्थाका लागि सहुलियत तथा पुनर्स्थापना प्याकेज (बिजनेस रिकभरी प्याकेज) तयार गर्नेछ।

भदौ १० गते रसुवाको भोटेकोशी हुँदै बाढी आउँदा ठूलो जनधनको क्षति भएको थियो।

सरकारकार प्रवक्ता पोखरेलका अनुसार हालसम्म ४७९ जनाको शव भेटिएको छ।  उनका अनुसार  रसुवामा १२ जना, नुवाकोटमा ३७ जना, धादिङमा ३३ जना, गोरखामा ४४ जना, नवलपरासी पूर्वमा ११० जना, नवलपरासी पश्चिममा २७ जना, तनहुँमा २८ जना, चितवनमा १८८ जनाको शव भेटिएको छ। यो तथ्यांक मध्याह्न १२ बजेसम्मको हो।