तरूण सरदेशाई नेपाल राष्ट्रिय गल्फ टिमको प्रशिक्षक नियुक्त
नेपाल क्लिक्स
काठमाडौं – चीनमा आयोजना हुने १९औँ एसियाली खेलकुद प्रतियोगिता (एसियाड) का लागि तरूण सरदेसाईलाई नेपाल गल्फ संघले प्रशिक्षक नियुक्त गरेको जानकारी दिएको छ।
नेपाल गल्फ संघ र तरूण सरदेसाई बीच एसियन गेम्सको लागि सम्झौता भएको जानकारी सोमबार दिएको हो।
संघले गरेको सम्झौताअनुसार एसियन गेम्सभरी सरदेईले नेपाली टिम सम्हाल्नेछन्। नेपाल गल्फ संघका युथ डेभलपमेन्ट निर्देशक दिपक आचार्य गल्फको सहायक प्रशिक्षक रहेका छन्। एसियन गेम्स सेप्टेम्बर २३ देखि अक्टोबर ८ सम्म चीनको हाङ्झाओमा आयोजना हुनेछ।
‘तरूण सरदेसाईको नेतृत्वमा नेपाली टिमले भारतको बैंगलोर स्थित तरूण सरदेसाई गल्फ एकेडेमीमा प्रशिक्षण सुरू गरिसकेको छ,’ संघले जारी गरेको सूचनामा लेखिएको छ।
एशियन खेलकुदका लागि प्रोफेसनल गल्फर शुक्रबहादुर राई र एमेच्योर गल्फरहरू सुबाश तामाङ, सदभाव आचार्य र युवराज भुजेल तथा महिला गल्फ खेलाडी कश्मिरा शाह र सुष्मा सिग्देल छनोट भएका छन्। अब उनीहरुले नेपालको प्रतिनिधित्व गर्नेछन्।
नेपाल गल्फ संघले राष्ट्रिय खेलकुद परिषद्को सहयोगमा नेपाली टिमलाई विशेष प्रशिक्षणको लागि बैंगलोर पठाएको जानकारी दिएको हो। नेपाल नम्बर एक एमरच्योर गल्फर सुबाशसँगै सद्भाव आचार्य गत एक वर्षदेखि यही एकेडेमीमा प्रशिक्षण गरिरहेका थिए। बन्द प्रशिक्षणकै दौरान सुबाश र सदभावले जुलाई १८ देखि २१ सम्म अर्किड कन्ट्री क्लबमा हुने सिंगापुर एमेच्योर ओपनमा सहभागीता जनाउनेछन्।
शुक्रद्वारा सूर्य नेपाल इस्टर्न ओपनको उपाधि रक्षा
गल्फ च्याम्पियनसिप : प्रो-एमको उपाधि दिनेश र टिमलाई
गल्फ टुरमा ३० ‘प्रोफेसनल’ र ७ ‘एमच्योर’को प्रतिस्पर्धा
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
