ह्युन्डाईको दसैं–तिहार अफर: ३ लाखसम्म नगद छुट, स्क्र्याच कार्डबाट ५ लाखसम्म जित्ने मौका

काठमाडौँ: ह्युन्डाई नेपालले दसैं, तिहार तथा छठलाई लक्षित गर्दै ‘ह्युन्डाई फेस्टिभल ड्राइभ २०८३’ अफर सार्वजनिक गरेको छ। नेपालमा ह्युन्डाई गाडीको आधिकारिक वितरक लक्ष्मी इन्टरकन्टिनेन्टल प्रालिले ल्याएको योजनामा ग्राहकले नगद छुटसहित विभिन्न सुविधा तथा पुरस्कार प्राप्त गर्न सक्नेछन्।

योजनाअन्तर्गत ह्युन्डाईका गाडी खरिद गर्ने ग्राहकले ३ लाख रुपैयाँसम्म नगद छुट पाउनेछन्। त्यस्तै, स्क्र्याच कार्डमार्फत थप ५ लाख रुपैयाँसम्म नगद छुट जित्ने अवसर समेत रहेको कम्पनीले जनाएको छ।

गाडी खरिदमा ग्राहकले एक वर्षको निःशुल्क ‘अटो प्लस इन्स्योरेन्स’ र एक वर्षको निःशुल्क रोड ट्याक्स पनि प्राप्त गर्नेछन्।

कम्पनीका अनुसार ह्युन्डाईका गाडीमा ३ वर्षको वारेन्टी र ६ वर्षसम्मको निःशुल्क सर्भिसिङ सुविधा पनि उपलब्ध छ। यी सुविधाले ग्राहकलाई गाडी खरिदपछि समेत थप सुविधा र मूल्य प्रदान गर्ने कम्पनीको भनाइ छ।

यो अफर भदौ २३ गतेपछि सुरु भैसकेको कम्पनीले जनाएको छ।