प्रतिनिधिसभामा लगिँदै बजेट पारित प्रस्ताव, के गर्लान् नेकपा एस र जसपाहरू?
Untitled
काठमाडौं– अर्थमन्त्री डा. प्रकाशशरण महतले १५ जेठमा आगामी आर्थिक वर्ष २०८०/८१ का लागि संघीय संसद्का दुवै सदनमा प्रस्तुत गरेको बजेट आज पारित गर्ने कार्यसूची रहेको संसद् सचिवालयले जनाएको छ।
त्यसका लागि बिहान ११ बजेट प्रतिनिधिसभा बैठक बोलाइएको छ। अर्थमन्त्री महतले बजेट पारितका लागि प्रतिनिधिसभा बैठकमा पेस गर्नेछन्।
आजको बैठकमा प्रधानमन्त्री पुष्पकमल दाहाल प्रचण्डले विनियोजन विधेयक, २०८० अन्तर्गत प्रधानमन्त्री तथा मन्त्रिपरिषद्को कार्यालय, राष्ट्रिय योजना आयोगको सचिवालय, राष्ट्रपतिको कार्यालय एवं उपराष्ट्रपतिको कार्यालयको विभिन्न शीर्षकमाथिको छलफलका क्रममा सांसदका प्रश्नोत्तरको जवाफ दिनेछन्।
त्यसपछि सभामुख देवराज घिमिरेले विनियोजन विधेयक, २०८० अन्तर्गत विभिन्न मन्त्रालयको खर्च कटौतीका प्रस्तावलाई निर्णयार्थ प्रस्तुत गर्ने कार्यसूची रहेको संसद् सचिवालयले बताएको छ।
बैठकमा अर्थमन्त्री डा.महतले विनियोजन विधेयक, २०८० लाई पारित गरियोस् भनी प्रस्ताव प्रस्तुत गर्नेछन्। आर्थिक विधेयक, २०८० माथि विचार गरियोस्, राष्ट्र ऋण उठाउने विधेयक, २०८० माथि विचार गरियोस् भनी प्रस्ताव प्रस्तुत गर्ने कार्यसूची छ।
सत्तारुढ कांग्रेस, नेकपा माओवादी केन्द्रले बजेट आजै पारित गर्ने तयारीसहित आफ्ना सांसद्लाई ह्वीप जारी गरिसकेका छन्। यद्यपि चितवन, डडेल्धुरा र नुवाकोटमा बढ्ता बजेट खन्याइएको भन्दै सत्तारुढ नेकपा एस, जसपालगायतका दलले बजेट संशोधन नगरिए पारित हुन नदिइने चेतावनी दिइसकेका छन्। हालसम्म ती दलले बजेट पारितका लागि आफ्ना सांसदलाई समेत ह्वीप लगाएका छैनन्।
निर्यातले खर्ब नाघ्दा पनि व्यापार घाटा ५ खर्बमाथि, आयातको दबदबा कायमै
तीन महिनामा १६ अर्ब बढीको बिजुली भारत र बंगलादेश निर्यात
नीतिगत दरले बैंकको ब्याजदेखि बजारसम्म कसरी असर गर्छ?
मुद्रास्फीतिको दबाबले सर्वसाधारणको जीवनमा कस्तो असर पर्छ?
३ हजारको सामान किनेकी सन्तमायाले जितिन् १० लाख, १ लाख जित्ने १६ जना को? [सूची]
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
