भारतमा बिजुलीको माग २१.८८ प्रतिशत बढ्यो

नयाँ दिल्ली। औद्योगिक तथा व्यवसायिक गतिविधि विस्तारसँगै भारतमा विद्युत खपत बढ्दै गएको छ। बिजुलीको माग २१.८८ प्रतिशत बढेर १ खर्ब ५९ अर्ब ७६ करोड युनिट पुगेको छ।

वृद्धिको मुख्य कारण चाडपर्वको मौसममा व्यावसायिक तथा औद्योगिक क्षेत्रबाट बढेको माग र देशभर चिस्यान प्रदान गर्ने उपकरणहरूको निरन्तर प्रयोग रहेको छ।

गत वर्ष अक्टोबर २०२५ मा देशको कुल विद्युत खपत १ खर्ब ३१ अर्ब ०७ अर्ब युनिट थियो। विज्ञहरूका अनुसार, चाडपर्वको मौसम चलिरहेको बेला बिजुलीको व्यावसायिक र औद्योगिक मागमा भएको वृद्धि र देशका धेरै भागहरूमा चिस्यान उपकरणहरूको निरन्तर प्रयोगले गर्दा अक्टुबर महिनामा बिजुली खपत बढेको हो।

अक्टोबर २०२५ मा २ लाख १० हजार मेगावाट थियो। गत महिना उच्चतम बिजुलीको माग बढेर २ लाख ६० हजार मेगावाट पुगेको छ। भारतको उच्चतम बिजुलीको माग मे २०२६ मा २ लाख ७० हजार मेगावाटको रेकर्ड उच्चतम बिन्दुमा पुगेको थियो।

ऊर्जा मन्त्रालयले २०२६ मा गर्मी मौसममा २ लाख ७० हजार मेगावाटको उच्चतम बिजुलीको माग भएको जनाएको छ।

विज्ञहरूले अक्टोबरमा स्थिर बिजुलीको मागको अनुमान गरेका थिए। चाडपर्वको मौसम अगाडि औद्योगिक र व्यावसायिक आवश्यकताहरूमा वृद्धि हुने सम्भावना छ। उनीहरूको विचारमा नोभेम्बरमा पनि चाडपर्व र देशका अधिकांश भागहरूमा सामान्यभन्दा माथिको तापक्रमका कारण बिजुलीको माग र खपत स्थिर रहने अनुमान मन्त्रालयको छ।

भारतीय मौसम विज्ञान विभागका अनुसार, नोभेम्बरमा भारतका अधिकांश भागहरूमा सामान्यभन्दा बढी अधिकतम तापक्रम हुने सम्भावना छ।

हिमालयको फेदमा रहेका केही क्षेत्रहरू बाहेक जहाँ सामान्यदेखि सामान्यभन्दा कम अधिकतम तापक्रम हुने अपेक्षा गरिएको छ। बिजुलीको मागसँग भाउ आकासिएर प्रतियुनिट ४६ भारुसम्म पुगेको छ।