काठमाडौँको लप्सीफेदीमा झडप, डीएसपीसहित ३ प्रहरी घाइते
नेपाल क्लिक्स
काठमाडौँ- काठमाडौँको शंखरापुर नगरपालिका-३ लप्सीफेदीमा स्थानीय र सुरक्षाकर्मीबीच झडप भएको छ। सबस्टेसन निर्माण र सुरक्षा पोस्ट स्थापनाको तयारी गरिएपछि सुरक्षाकर्मी (सशस्त्र र नेपाल प्रहरी)माथि स्थानीयले आक्रमण गरेका छन्।
स्थानीयले ढुंगामुढा गर्दा डीएसपी देवराज राईसहित तीनजना सुरक्षाकर्मी घाइते भएका छन्। काठमाडौंका प्रमुख जिल्ला अधिकारी जितेन्द्र बस्नेतले स्थानीयको आक्रमणबाट सशस्त्र प्रहरीका दुई जना र नेपाल प्रहरीका एक जना घाइते भएको जानकारी दिए।
उनका अनुसार सुरक्षाकर्मीमाथि आक्रमणमा संलग्न भएको आरोपमा चार जना पक्राउ परेका छन्। प्रहरीले जयमान वाइवा, सूर्यमान तामाङ, सुनबहादुर वाइवा, हर्कमान वाइवासहित चार जनालाई पक्राउ गरेको छ।
नेपाल विद्युत प्राधिकरणले शंखरापुर नगरपालिका-३ स्थित बोझेनीमा सबस्टेसन निर्माण गर्ने तयारी गरेको छ। सबस्टेसनको सुरक्षाका लागि डीएसपीको नेतृत्वमा सशस्त्र प्रहरीको बेस क्याम्प र नेपाल प्रहरीको पोष्ट राख्ने निर्णय जिल्ला प्रशासन कार्यालयले गरेको थियो।
सोही निर्णयका आधारमा शुक्रबार बेसक्याम्प स्थापना गर्न जाँदा स्थानीयले रुख ढालेर बाटो अवरुद्ध गरेका थिए। यसका साथै सुरक्षाकर्मीहरुलाई ढुङ्गामुढा गर्दै आक्रमण पनि गरेका थिए।
५ बुँदे मागसहित लघुवित्त पीडितहरू दुई दिनदेखि आमरण अनसनमा
विश्वप्रसिद्ध गढीमाई मन्दिरमा चोरी: चाँदीको मुकुट र सुनका गहनासहित बहुमूल्य सामग्री गायब
११ करोड २१ लाखमा बनेको देवघाटको शवदाहगृह पीपीपी मोडलमा सञ्चालन गरिने
४ करोड खर्चेर ललितपुरको २१ नम्बर वडामा हुँदैछन् यी कामहरू
सुनसरीको देवानगन्जमा कर्फ्यु कायमै
सिमरामा २ अर्ब लगानीमा पाँचतारे होटल ‘अन्नपूर्ण भिस्टा’ बनाउँदै क्याप्टेन रामेश्वर थापा
उडानको तयारीमा डलर अर्बपति अदानीः धेरै एयरलाइन्स असफल भएको भारतमा चम्किलान्?
बहुराष्ट्रिय कम्पनी सूर्य नेपालको चुरोट व्यापार बढ्दो, एक वर्षमा साढे ३२ अर्बको कारोबार
मध्यपूर्वमा सैन्य तनावले तेल बजार प्रभावित, विश्व अर्थतन्त्र जोखिममा पर्ने चेतावनी
अबको १० वर्षमा पैसाको कुनै महत्त्व रहन्न: एलन मस्क
