इजरायलले भन्यो- विपीन जोशी हमासको नियन्त्रणमा छन्

काठमाडौँ- अक्टोबर ७ मा प्यालेस्टिनी लडाकु समूह हमासले इजरायली क्षेत्रमा आक्रमण गरेपछि सम्पर्कविहीन विपिन जोशी हमासकै नियन्त्रणमा रहेको इजरायलले बताएको छ। इसराइली डिफेन्स फोर्स (आइडिएफ)का प्रवक्ताले नेपाली दूतावासलाई जोशी हमासकै नियन्त्रणमा रहेको जानकारी पठाएको हो।

‘७ अक्टोबर २०२३ मा दक्षिणी ईजरायलको किब्बुज-अलुमिम मा हमास समूहले आक्रमण गरी बन्धक बनाएर गाजातर्फ लगेकाहरु भध्येमा नेपाली विद्यार्थी श्री विपिन जोशी पनि रहेको ईजरायल डिफेन्स फोर्सका प्रवक्ताले जानकारी दिएका छन्,’ दूतावासले जारी गरेको विज्ञप्तिमा भनिएको छ।

दूतावासले जोशी हालसम्म पनि सम्पर्कविहीन रहेको बताउँदै खोजी कार्य जारी रहेको जानकारी दिएको छ।

यता परराष्ट्र मन्त्रालयले पनि जोशी अस्पतालमा रहेको भन्ने सूचना मन्त्रालयमा आएको बताएको छ। परराष्ट्र प्रवक्ता सेवा लम्सालका अनुसार इजरायल सरकारले तेल अविवस्थित नेपाली दूतावासलाई जोशी फेला परेको सूचना दिएको हो। सोही जानकारी नेपाली दूतावासले परराष्ट्र मन्त्रालयलाई पठाएको हो।

‘विपिन जोशी गाजा क्षेत्रमा रहेको जानकारी आएको छ,’ उनले भनिन्, ‘विपिनसँग प्रत्यक्ष कुराकानीको प्रयास भइरहेको छ।’

परराष्ट्र मन्त्री एनपी साउदको सचिवालयले पनि विपीन विपिन गाजा क्षेत्रमा फेला परेको जानकारी आएको बताएको छ।

उनको उद्धारका लागि कतार सरकारसँग समन्वय भइरहेको मन्त्रालयले जानकारी दिएको छ।

सुदूरपश्चिम विश्वविद्यालयको कृषि विज्ञान संकायमा अध्ययनरत विपिन सहितका ४९ विद्यार्थीहरु ‘लर्न एण्ड अर्न’ कार्यक्रमअन्तर्गत गत भदौ २७ गते इजरायल गएका थिए।

असोज २० गते किबुजस्थित कृषि फार्ममा हमासले गरेको आक्रमणमा परी १० नेपाली विद्यार्थीको मृत्यु भएको थियो भने कञ्चनपुरको भीमदत्त नगरपालिका–३ का जोशी

सम्पर्कविहीन भएका थिए। उनलाई हमास समूहले अपहरण गरेर बन्धक बनाएको अनुमान गरिएको थियो।

विपीनका आमा–बुवासँग भेटेर परराष्ट्रमन्त्री एनपी साउदले उनको अवस्था पत्ता लगाउन प्रयास भइरहेको बताएका थिए।

इजरायली सेनाले आइतबार राति अबेर एक भिडियो पोस्ट गर्दै नेपालीसहित थाई मूलका व्यक्तिलाई गाजाको शिफा अस्पतालमा देखिएको सीसीटीभी फुटेज प्राप्त भएको भन्दै ट्विट गरेको छ। उक्त भिडियोमा एक जना व्यक्ति घाइते देखिन्छन् भने अर्का एक व्यक्तिलाई कुनै कोठातर्फ लगिएको देखिन्छ। अर्को एक जनाको भने हात समातिएको देखिन्छ। यीमध्ये कुन व्यक्ति जोशी हुन् भन्ने खुलाइएको छैन।

EXPOSED: This is documentation from Shifa Hospital from the day of the massacre, October 7, 2023, between the hours of 10:42 a.m and 11:01 a.m. in which hostages, a Nepalese civilian and a Thai civilian, were abducted from Israeli territory are seen surrounded by armed Hamas… pic.twitter.com/a5udjBw4wF

— Israel Defense Forces (@IDF) November 19, 2023