सिजि मोटर्सले सञ्चालनमा ल्यायो तीनवटा नयाँ शोरुम

काठमाडौं- ग्राहकहरुमाझ लोकप्रिय इभी नेटा भी, ११ सिटर सिजिकेवाइसी भ्यान, १४ र १९ सिटर किङ्लोङ भ्यानको अधिकारिक बिक्रेता सिजि मोटर्सले ग्राहकहरुको सहजताको लागि नेपालका तीन नयाँ स्थानहरुमा शोरुम खोलेको छ।

तीन स्थानहरु बिर्तामोडमा फोटेक्स डिस्ट्रिब्यूटर, वीरगन्जमा मिनोल्टा इन्भेष्टमेन्ट तथा धनगढीमा ब्रम्हा मोटर्सले डिलरशिप पाएर शोरुम सञ्चालनमा आएका हुन। शोरुमका साथै ग्राहकहरुको सुविधाका लागि तीनैवटा स्थानहरुमा सर्भिस स्टेशन पनि छिट्टै नै सन्चालनमा ल्याउने कम्पनीको दाबी छ ।

सिजि मोटर्सले बिक्रि गर्ने नेटा भी हाल इभी पारखीहरुमाझ लोकप्रिय रहेको छ। मुख्यतया यसको मूल्य तथा यसले दिने सुविधाहरु तथा ३८० किमिको रेन्जले गर्दा नेटा भी ग्राहकहरुको पहिलो रोजाइको रुपमा स्थापित भएको कम्पनीले जनाएको छ।

कम्पनीले चाँडै नै बिराटनगर, लाहान, हेटौंडा, भक्तपुर,चितवन, बुटवल, कोहलपुरमा बिस्तारित नयाँ शोरुमसहित सर्भिसको सुबिधा उपलव्ध गराउने जनाएको छ । हाल नेपालभर ५० भन्दा धेरै चार्जिङ सेवा दिँदै आइरहेको र थप ५० ठाउँमा चार्जिङ सुबिधा उपलव्ध गराउने कम्पनीले जनाएको छ ।