शिवम् सिमेन्ट्स लिमिटेडले शेयरधनीलाई १५ प्रतिशत लाभांश वितरण गर्ने

काठमाडौं- शिवम सिमेन्ट्स लिमिटेडको आठौं वार्षिक साधारण सभा सम्पन्न भएको छ। उक्त साधारण सभाबाट आर्थिक वर्ष २०७९/०८० सम्मको संचित मुनाफाबाट शेयरधनीलाई १५ प्रतिशतका दरले लाभांश  वितरण गर्ने प्रस्ताव पारित गरेको हो।

आर्थिक वर्ष २०७९/०८० सम्मको संचित मुनाफाबाट (शेयर प्रिमियम वापतको रकम यथावत रुपमा कम्पनीमा नै संचित राखी) अन्य संचित रकमबाट शेयरधनीलाई चुक्ता पूँजी ४ अर्व ४० करोडको १४.२५ प्रतिशतका दरले  ६२ करोड ७० लाख बराबरको वोनस शेयर र ०.७५ प्रतिशतका दरले (कर प्रयोजनका लागि)  ३ करोड ३० लाख नगद लाभांश सहित आफ्ना शेयरवालाहरुलाई कूल जम्मा १५ प्रतिशतका दरले लाभाँस वितरण गर्ने प्रस्ताव  पारित गरेको कम्पनीले जनाएको छ।

हाल कम्पनीको अधिकृत पुँजी ७ अर्वर जारी तथा चुक्ता पूँजी ४ अर्व ४० करोड रहेकोमा १४.२५ प्रतिशतका का दरले बोनश शेयर वितरण गरे पश्चात कम्पनीको जारी तथा चुक्ता पूँजीमा बृद्धि भई ५ अर्व २ करोड ७० लाख कायम हुनेछ । शिवम् सिमेन्ट्स लिमिटेडको साधारणसभा शुक्रबार काठमाडौंमा भएको थियो।