बेलायती सेनाका रथीले राष्ट्रपति पौडेललाई बुझाए वार्षिक प्रतिवेदन

काठमाडौँ- राष्ट्रपति रामचन्द्र पौडेलसमक्ष बेलायती सेनाका रथी तथा गोर्खा बिग्रेडका कर्णेल कमाडमेन्ट रिचार्ड वार्डलो ओबीईसहितको टोलीले गोर्खा बिग्रेडको वार्षिक प्रतिवेदन प्रस्तुत गरेको छ।

प्रतिवेदन बुझ्दै राष्ट्रपति पौडेलले विश्वमा शान्ति, स्थिरता र स्वतन्त्रता कायम गर्नु नेपाल र बेलायतको साझा उद्देश्य भएको बताए। गोर्खा रेजिमेन्टले नेपाल र बेलायतबीच सेतुको काम गरेको बताउँदै पूर्वब्रिटिस गोर्खाका गुनासा सम्बोधनका लागि कूटनीति तहमा छलफल भइरहेको बताए।

यो विषयले संयुक्त अधिराज्य बेलायतले उदारता र सद्भावबाट चाँडे टुंगोमा पुर्‍याउने विश्वास व्यक्तसमेत गरेका थिए। राष्ट्रपति पौडेलले जलवायु परिवर्तनको मुद्दा विश्वको प्रमुख चिन्ताको विषय बनेकाले यसमा मिलेर काम गर्नुपर्ने बताए।

वार्डलोले प्रतिवेदन पेस गर्दै गोरखाली सेनाको व्यवसायीकता, समर्पण र क्षामतालाई बेलायतले मात्र संसारले सम्मान र प्रशंसा गरेको उल्लेख गर्दै बेलायती गोर्खाहरू यो संसार जबसम्म रहनेछन् तबसम्म संघीय लोकतान्त्रि गणतन्त्र नेपालको एउटा उत्कृष्ट राजदूतका रूपमा काम गरीरहने विश्वास व्यक्त गरे।

प्रतिवेदनमा सन् २०२३ लाई फर्केर हेर्दा बिग्रेड अफ गोर्खाजले विश्वलाई सुरक्षित स्थान बनाउन आफ्नो महत्वपूर्ण भूमिका निर्वाह गरेको तथा अन्तराष्ट्रिय अनिश्चितताका बाबजुद पनि गोर्खाहरूको प्रतिष्ठा र प्रभावकारिता कायम रहेको उल्लेख गरिएको छ। सो अवसरमा बेलायती राजदूत रोब फेनको पनि उपस्थिति रहेको थियो।