नेपाल पेबाट सेल्सबेरीमा भुक्तानी गर्दा १० प्रतिशत क्यासब्याक

काठमाडौं– नेपाल पे क्यूआरस्क्यान गरी सेल्सबेरीमा भुक्तानी गर्दा १० प्रतिशत वा अधिकतम १०० सम्मको क्यासब्याक प्राप्त गर्न सकिने भएको छ। यो अफर नेपाल भरी रहेका सम्पूर्ण सेल्सबेरीको स्टोर मा फागुन ५ गतेबाट फागुन २० गतेसम्म उपलब्ध हुनेछ।

यो अफरमा ग्राहकले सेल्सबेरीको स्टोरमा सामान खरिद गर्दा स्टोरमा रहेको डाइनामिक क्यूआर स्क्यान गरी भुक्तानी गरी प्रति दिन एक कारोबारमा क्यासब्याक प्राप्त गर्न सक्नेछन् भने अफर अवधिभरि ३ पटक सम्म क्यासब्याक प्राप्त गर्न सक्नेछन्। ग्राहकले आफूसँग भएको कुनै पनि वाणिज्य बैंक, प्राय जसो विकास बैंक र फाइनान्स कम्पनीहरुको मोबाइल बैंकिङ्ग, वालेटहरु वा कनेक्टआईपीएस प्रयोग गरी नेपाल पे क्यूआरस्क्यान गरी भुक्तानी गर्न सक्नेछन्।

नेपाल पे क्यूआर नेशनल पेमेन्ट स्वीच अन्तर्गत क्यूअर भुक्तानीलाई एप वा मर्चेन्ट वा नेटवर्क लेभलमा अन्तरआबद्धता कायम गर्न सक्ने नेपाल–क्युआर स्ट्याण्डर्डको पूर्वधार हो। बैंक वित्तीय संस्था तथा भुक्तानी सेवा प्रदायकहरुले नेपाल पे क्यूआरमा ४ लाख ६५ हजार र स्मार्ट क्यूआरका २ लाख ५० हजार समेत गरी ७ लाख १५ हजार भन्दा बढि मर्चेन्टहरु आबद्ध गरेका छन्।