कांग्रेसका मन्त्रीमाथि विश्वप्रकाशले उठाए ‘गम्भीर’ प्रश्न [पूर्णपाठ]

गोदावरी (ललितपुर)- नेपाली कांग्रेसका महामन्त्री विश्वप्रकाश शर्माले चीन र भारतसँग कुटनैतिक संवाद गरेर प्रयोगहीन जस्तै भएका दुई अन्तर्राष्ट्रिय विमानस्थल प्रयोगमा ल्याउनुपर्ने धारणा राखेका छन्। अर्बौंको ऋण लिएर बनाइएका पोखरा विमानस्थल र गौतमवुद्ध अन्तर्राष्ट्रिय विमानस्थल प्रयोगविहीन बन्दा आर्थिक भारमा मुलुक फसेको उनको तर्क छ।

पार्टीको जारी महासमिति बैठकमा समसामयिक राजनीतिक प्रस्ताव प्रस्तुत गर्दै उनले सो कुरा उल्लेख गरेका हुन्।

‘अर्बौंको ऋण लिएर हामीले बनाएका दुई अन्तर्राष्ट्रिय विमानस्थल एक ढंगले प्रयोजनहिन अवस्थामा छन्। मुलुककको अर्थतन्त्रतले चुनौती सामना गरिरहेको बेला विमानस्थलहरूको यो अवस्था हाम्रा लागि विलकुलै सुखद छैन,’ महामन्त्री शर्माले प्रतिवेदनमा लेखेका छन्, ‘यस्तो समयमा बलियो राजनीतिक र कुटनैतीक इच्छाशक्ति अपेक्षित छ। जसमार्फत उत्तर र दक्षिणका दुवै मित्र राष्ट्रसँग हामीले सार्थक व्यवसायीक संवाद गर्न सकौं।’

प्रतिवेदन मार्फत उनले पार्टीबाट सरकारमा सहभागी केही मन्त्रीको कार्यसम्पादन भूमिकामाथि प्रश्न उठाएका छन्। उनले पार्टीबाट सहभागी केही मन्त्रीले सरकारमा गएर ‘विलकुलै’ प्रभावकारी भूमिका खेल्न नसकेको बताएका छन्।

तीनै तहमा पार्टीबाट सरकारमा रहेका प्रतिनिधिहरूलाई जनअपेक्षा अनुसार काम गर्न निर्देशन दिने काम महासमिति बैठकले गर्नुपर्ने लेखेका छन्।

‘जनअपेक्षा अनुसार सरकारको गति प्रभावकारी ढंगले अघि बढ्न नसकेको यर्थाथ छ। कांग्रेसका केही मन्त्रीको कार्यसम्पादन सन्तोषजनक निश्चय छ। तर, केही मन्त्रीको भूमिका मन्त्तीका रूपमा प्रभावकारी विलकुलै देखिएको छैन,’ प्रतिवेदनमा शर्माले लेखेका छन्।

भ्रष्टचार नियन्त्रण र राष्ट्रिय सदाचार पद्धतीको स्थापनको संकल्पमा कांग्रेस लाग्नुपर्ने उनले प्रतिवेदनमा औँल्याएका छन्। उनले महासमिति बैठकले १५ वर्षे नीति विधि र थितीको जग बसाल्ने आधार तयार पार्नुपर्ने पनि उल्लेख गरेका छन्।

महामन्त्री शर्माले अहिलेको गठबन्धन फरक मतको चुनौतीपूर्ण सहयात्रा भएको जिकिर गरेका छन्। ‘पटकपटकको संसद विघटन र संविधानको रक्षाका लागि मुख्य दलहरू गत निर्वाचनमा एक भएर मैदानमा होमिएका थिए। त्यो गठबन्धनबाट उपलब्धि हासिल भएको छ तर, पनि असन्तुष्टि र चुनौतीहरू बढ्दै गएको देखिन्छ,’ उनको प्रतिवेदनमा उल्लेख छ।

प्रतिवेदनमा महामन्त्री शर्माले हालको गठबन्धन आगतको सम्झौता नभई विगतले बोकाएको अभिभारा भएको पनि लेखेका छन्।

एकल बहुमत कसैको नभएको संसदमा गठबन्धनलाई कायम राखेर नै देश र जनताको हितमा काम गर्नुपर्ने अभिभारा कांग्रेसको रहेको समेत उनको प्रतिवेदनमा भनिएको छ।

पूर्णपाठ: