त्रिविको उपकुलपतिमा बराल नियुक्त

काठमाडौं- प्रधानमन्त्री पुष्पकमल दाहाल प्रचण्डले त्रिभुवन विश्वविद्यालयको कुलपतिमा प्रा. डा. केशरजंग बराललाई नियुक्त गरेका छन्।

त्रिविका कुलपति समेत रहेका दाहालले बराललाई बिहीबार उपकुलपति नियुक्त गरेका हुन्। बराल पोखरा विश्वविद्यालयका पूर्वउपकुलपति हुन् ।

शिक्षा, विज्ञान तथा प्रविधिमन्त्री अशोककुमार राई नेतृत्वमा रहेको उपकुलपति छनोट तथा सिफारिस समितिबाट सिफारिस भएका तीनै जना उम्मेदवारहरुको ‘मेरिटोक्रेसी’का विषयमा प्रधानमन्त्री प्रचण्डले अध्ययन गरेका थिए।

सिफारिस समितिले विश्वविद्यालयको उपकुलपति नियुक्तिका लागि प्रधानमन्त्री प्रचण्ड समक्ष बरालसहित चित्रबहादुर बुढाथोकी र टंकनाथ धमलालाई सिफारिस गरेको थियो।

उपकुलपति पदका लागि दरखास्त दिएका ४३ मध्ये प्रस्तुतीकरण र अन्तर्वार्ताका लागि १४ जना छानिएकामा प्रस्तुतीकरण एवं अन्तर्वार्तापछि नियुक्तिका लागि तीन जनाको नाम सिफारिस गरिएको थियो। शैक्षिक योग्यताको आधार, तालिम, अनुसन्धानमूलक लेख, अन्तर्वार्ता एवं प्रस्तुतीकरणका आधारमा नियुक्ति गरिएको बताइएको छ।

फेसबुकमा प्राडा बुढाथोकीलाई बधाइको ‘ओइरो’, प्रधानमन्त्री भन्छन्- त्यसमा कुनै सत्यता छैन