याङवाङले ल्यायो सुपरकार यू नाइन, मूल्य १.६८ मिलियन युआन

काठमाडौं- बीवाईडीको  उच्च श्रेणीको ब्राण्ड याङवाङले आफ्नो पहिलो विशुद्ध इलेक्ट्रिक सुपरकार मोडल यू नाइन सार्वजनिक गरेको छ। १.६८ मिलियन युआन मूल्य राखिएको यो कारको अधिकतम गति ३०९.१९ किलोमीटर प्रति घण्टा र ० देखि १०० किलोमीटर प्रति घण्टा मात्र २.३६ सेकेण्ड रहेको छ। यो कारमा मुख्यगरी २ वटा प्रविधि छन्- ईफोर प्लेटफर्म र डिसुस एक्स इन्टेलिजेन्ट बडी नियन्त्रण प्रणाली। जसले सम्पूर्ण इलेक्ट्रिक सुपरकारको क्षेत्रमा क्रान्ति ल्याउने सुनिश्चित छ।

विद्युतीय सवारीसाधन र पावर ब्याट्रीको उत्पादनमा विश्वमै अग्रणी बीवाईडीले आफ्नो पहिलो प्रीमियम उप-ब्राण्ड अन्तर्गतको सम्पूर्ण इलेक्ट्रिक सुपरकार मोडल यू नाइन को अनावरण गरेको छ। यसको बिक्री यही समरबाट सुरु हुनेछ।

‘टाइम गेट’ डिजाइनको भाषालाई अनुशरण गर्दै याङवाङ यू नाइनले एक विशिष्ट सौन्दर्यकला प्रतिबिम्वित गर्दछ, जसले नौंलो समानुपात र पावर को बोध गराउँछ। डिसूस एक्स कारको बडीलाई नियन्त्रण गर्ने एक प्रणाली हो। यसले ट्र्याक प्रदर्शन, सडक अनुकूलन क्षमतालाई अविचलित रूपमा इंटीग्रेट गर्छ।

इ फोर एक एक पावर सिस्टम हो। जसमा चार स्वतन्त्र इलेक्ट्रिक मोटर छन्।  चार वटै पंग्राको स्वतन्त्र ट्वर्क निर्यात नियन्त्रणले उपयोगकर्ताहरूलाई सुरक्षा प्रदर्शनको अनुभूति दिन्छ।  यो कारमा १ हजार ३ सय हर्सपावर र अधिकतम १ हजार ६८० टर्क क्षमता छ।

यो कार इन्टेलिजेन्ट प्लेटफर्मबाट सुसज्जित छ।  यसको क्याबिनमा दुईवटा १४ तरिकाले समायोजन गर्न मिल्ने सिट छन्, जसले ड्राइभरलाई उत्कृष्ट अनुभव प्रदान गर्दछ।