कोका-कोलाको ‘काठमाडाैं इज कुकिङ’ को दोस्रो संस्करण हुँदै

काठमाडौं- कोका-कोला नेपालले ‘काठमाडौं इज कुकिङ’ को दोस्रो संस्करण सञ्चालन गर्ने भएको छ। काठमाडौंको हायात होटल मैदानमा यही चैत २ गते बिहान ११ बजेदेखि ‘काठमाडौं इज कुकिङ’ को दोस्रो संस्करण सुरु हुने भएको हो।

कम्पनीका अनुसार ‘इज कुकिङ’ कोका-कोलाको विश्वव्यापी क्याम्पेन हो। जसले विश्वभर खानालाई मजा लिएर खान प्रोत्साहित गर्दै आएको छ। कार्यक्रम कोका-कोलाको ग्लोबल ब्रान्ड प्लेटफर्म ‘रियल म्याजिक’ अन्तर्गतको हो।

यस वर्षको ‘काठमाडौ‌ इज कुकिङ’ ऐतिहासिक हुने कम्पनीले दाबी गरेको छ। कार्यक्रममा चर्चित भारतीय गायक पापोनलगायत नेपाली चर्चित ब्यान्ड तथा गायकहरु द एलेमेन्ट्स, भेक, जोन एन्ड द लोकल्स, सुशान्त घिमिरे र प्रजिनाले पनि प्रस्तुति दिने जनाइएको छ।

कोका-कोला नेपालका कन्ट्री डाइरेक्टर चन्द्रिका कालियाले भने, ‘यस कार्यक्रमले नेपालीहरुको रमाइलो गर्ने संस्कृतिलाई झल्काउनेछ। ʻकाठमाडौ‌ इज कुकिङ’ मा हाँसो, खुसी र मनोरञ्जनका पलहरु देख्न पाइनेछ। नेपाली समुदायको विभिन्न जीवन्त भावनाहरुलाई यस कार्यक्रममा उतार्न पाउँदा हामी निकै हर्षित छौ‌।’

यो संस्करण पनि अघिल्ला वर्षहरु झै‌ सफल हुने कम्पनीले विश्वास लिएको छ। कार्यक्रममा उपस्थित हुन चाहनेहरुले मोःमो र कोका-कोलाको स्वादसहित मनमोहक साङ्गीतिक प्रस्तुतिको मजा पनि लिन सक्नेछन्। कार्यक्रममा विशेष कम्बो अफर र छुटसहित २५ भन्दा बढी मोःमो भेन्डरहरुको सहभागिता हुने जनाइएको छ।

बोटलर्स नेपाल लिमिटेडका एमडी दीपक सेन्थिल नाथले भने, ‘काठमाडौं इज कुकिङ’ को दोस्रो संस्करण नेपालमा कोका-कोलाको यात्राको एउटा महत्वपूर्ण कोसेढुंगाको रुपमा स्थापित हुनेछ। यस कार्यक्रममार्फत हाम्रा उपभोक्ताहरुका लागि अतुलनीय क्षणहरु सिर्जना गर्न पाउँदा हामी निकै उत्साहित छौं। सङ्गीत, मोःमो र कोका-कोलाको कम्बिनेसन यस दिनको कार्यक्रममा देख्न पाइनेछ।’