प्रचण्डका भाइलाई राष्ट्रिय सभा अध्यक्षमा जिताउन गठबन्धनमा छलफल
नेपाल क्लिक्स
काठमाडौँ- प्रधानमन्त्री एवम् नेपाल कम्युनिस्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’का भाइ नारायण दाहाललाई राष्ट्रिय सभा अध्यक्षमा विजयी गराउनका लागि सत्ता गठबन्धनका दलबीच बैठक बसेको छ।
संघीय संसद भवन नयाँ बानेश्वरस्थित ल्होत्से हलमा नेकपा (एमाले) का अध्यक्ष केपी शर्मा ओली, नेकपा (एकीकृत समाजवादी) का अध्यक्ष माधवकुमार नेपाल, नेकपा (माओवादी केन्द्र) का वरिष्ठ उपाध्यक्ष नारायणकाजी श्रेष्ठलगायतले छफल गरेका हुन्।
छलफलमा सत्ता गठबन्धन दलका राष्ट्रिय सभा सांसद पनि सहभागी छन्।
यस्तै नेपाली कांग्रेसबाट सांसद युवराज शर्मा राष्ट्रिय सभा अध्यक्ष पदका उम्मेदवार छन्। शर्मालाई लोसपाले पनि साथ दिएको छ। राष्ट्रिय सभा अध्यक्षमा दाहाल र शर्माबीच मंगलबार प्रतिस्पर्धा हुँदैछ।
राष्ट्रिय सभामा माओवादीका १८, एमालेका १०, एकीकृत समाजवादीका ८ र जसपाका ३ जना सांसद छन्।
कांग्रेसका १६ र लोसपाका १ जना सांसद छन्।
यसअघि मंगलबारै प्रचण्डले ओली र नेपालसँग बालुवाटारमा छलफल गरेका थिए।
प्रधामनन्त्रीका प्रेस विज्ञ मनोहरि तिमिल्सिनाका अनुसार गठबन्धनमा आवद्ध दलहरुबीच राष्ट्रिय विषयमा समान धारणा बनाएर जाने विषयमा प्रधानमन्त्रीले अध्यक्ष ओली र अध्यक्ष नेपालसँग छलफल गरेका हुन्।
यही फागुन २१ गते एमाले, माओवादी केन्द्र, राष्ट्रिय स्वतन्त्र पार्टी र जनता समाजवादी पार्टीबीच नयाँ गठबन्धन बनाउने सहमति भएको थियो।
यस्तै, सत्ता गठबन्धनमा एकीकृत समाजवादी पनि समावेश भएको छ।
सरकारको कार्यशैलीमाथि गगन थापाले उठाए प्रश्नै प्रश्न
सरकारले गर्यो एनप्याब्सन निलम्बन, संगठनका गतिविधिमा रोक
कांग्रेसको नयाँ कार्यसमितिले आजदेखि जिम्मेवारी सम्हाल्ने
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
विश्वको तेल भण्डार १८ खर्ब ब्यारेल, मध्यपूर्वको हिस्सा ४८ प्रतिशत बढी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
