नयाँ नेतृत्व छान्ने अन्तिम तयारीमा कास्की एमाले, उद्घाटनका लागि ओली आउँदै

पोखरा- नेकपा एमाले कास्कीको ११औँ जिल्ला अधिवेशन शनिबारदेखि पोखरामा सुरु हुने भएको छ। पोखराको नयाँ बजारस्थित प्रर्दशनी केन्द्रमा एमाले अध्यक्ष एवं पूर्वप्रधानमन्त्री केपी शर्मा ओलीले अधिवेशनको उद्घाटन गर्ने भएका छन्।

अधिवेशनकोा सम्पूर्ण तयारी पूरा भएको एमाले कास्कीले शुक्रबार पोखरामा पत्रकार सम्मेलनको आयोजना गरी जानकारी दिएको छ।  ११ गतेसम्म चल्ने अधिवेशनले कास्की एमालेको नयाँ नेतृत्व चयन गर्नेछ।

अधिवेशनमा कास्की जिल्लाका ७२ वटा वडा, जनसंगठन, सल्लाहकार परिषद्, तीन इलाका कमिटीका शाखा कमिटी, सल्लाहकार कमिटी र आयोजक कमिटीबाट गरी ९३५ जना प्रतिनिधिको सहभागिता रहने एमाले कास्कीका अध्यक्ष एवं अधिवेशन मूल समारोह संयोजक मनबहादुर गुरुङले जानकारी दिए।

अधिवेशन उद्घाटन समारोहलाई सफल बनाउन जिल्ला कमिटी, महानगर, पालिका, ईलाका, वडा, जनवर्गीय संगठनलाई परिचालन गरिएको उनले बताए।

अधिवेशनमा प्रस्तुत गरिने राजनीतिक प्रतिवेदन लेखनका लागि अध्यक्ष मनबबहादुर गुरुङको संयोजकत्वमा समिति गठन भएको छ।

समितिमा तेजनारायण अधिकारी, हिराकुमारी गिरी, भेषराज बराल,ऋषिराम लामिछाने, श्रीराम पोखरेल, डिलु पौडेल र प्रमिला बराल सदस्य रहेका छन् भने संगठनात्मक प्रतिवेदन लेखनका लागि संयोजकमा सचिव बैनबहादुर अधिकारी क्षेत्री तथा सदस्यहरूमा आरपी शर्मा, विजया सुवेदी, बलराम पौडेल, झपट रानाभाट, बालाकृष्ण शर्मा, खेमराज सापकोटा, प्रकाश गुरूङ, खगराज आचार्य सदस्य छन्।

यस्तै, आर्थिक प्रतिवेदन लेखनका लागि कोष तथा वित्त व्यवस्थापन विभागका प्रमुख चिरञ्जीवी पोखरेललाई संयोजक बनाइएको छ। समितिमा जिल्ला लेखा समितिका अध्यक्ष निर्मल खत्री, ज्ञानबहादुर कार्की, सीबी सुवेदी, सूर्यबहादुर जिसी, बिलबहादुर भुजेल, निर्मला पौडेल अधिकारी सदस्य छन्।

अधिवेशनलाई सुव्यवस्थित बनाउनका लागि विभिन्न उपसमितिहरू समेत गठन गरिएको छ। स्वयंसेवक उपसमितिमा तेजनारायण अधिकारी संयोजक छन्। समिति सदस्यहरुमा कर्णबहादुर गुरूङ, ओम सुवेदी, पसबहादुर बास्तोला, शिवप्रसाद अधिकारी, हरिबोल गौतम, प्रमिला बराल, खेमराज आचार्य, श्रीधर पौडेल, विष्णुकुमार गुरूङ, विक्रम रायमाझी, पूर्णबहादुर गुरुङ, रेशमकुमार नेपाली, सीता बिक, सोमनाथ पौडेल, कमला केसी, संगीता सुवेदी झलक पोखरेल, दामोदर घिमिरे, बमबहादुर बिक, नवीन गिरी रहेका छन्।