रोहित र कुशलको अर्धशतक, जम्यो साझेदारी

काठमाडौं-  कुवेतविरुद्ध नेपालका कप्तान रोहित पौडेलले ५६ बलमा अर्धशतक पूरा गरेका छन्। ८० रनबाट कुशल मल्लसँगै साझेदारी सुरु गरेका रोहित पौडेलले चौथो विकेटका लागि १०२ रनको साझेदारी गरेका हुन्।

४२ बलमा युवा ब्याटर कुशल मल्लले पनि अर्धशतक बनाएका छन्। अहिलेसम्म नेपालले १८३ रन बनाइसकेको छ।

५० ओभरबाट घटाएर ४५ ओभरमा झारिएको खेललाई पुनः ३ ओभर घटाएर ४२ ओभरमा छोट्याइएको छ। वर्षाका कारण खेल रोकिएपछि छोट्याइएको हो। 

टस हारेर नेपालले ब्याटिङ गरिरहेका बेला पहिलो इनिङको २३.२ ओभर खेलेपछि मैदानमा वर्षा सुरु भएको थियो। वर्षाअघि नेपालले ३ विकेट गुमाएर १४१ रन बनाएको थियो। वर्षापछि २३.३ ओभरबाट खेल सुरु भएर ४२ ओभरसम्म पुग्नेछ।

खेल रोकिनुअघि नेपालका लागि कुशल भुर्तेल र आसिफ शेखले ७७ रनको साझेदारी गरेका थिए। भुर्तेल ४३ र शेखले ३१ रन बनाएर आएट भए। भीम सार्की एक रन बनाएर आउट भए। रोहित पौडेल र कुशल मल्लको पारीमा वर्षा सुरु भएको थियो। खेलमा मल्लले ३२ र पौडेलले ३० रन बनाएका थिए। यसैमा रोहित र मल्लले थप रन  बटुलेर शतकको साझेदारी गरेका हुन्। 

वर्षाअघि कुवेतका लागि अड्नास इद्रिसले दुई विकेट लिँदा मोहम्मद अस्लमले एक विकेट लिएका थिए।