सौराहाका १६ होटलमा प्रभु बैंकका ग्राहकलाई छुट

काठमाडौँ- प्रभु बैँकका कर्मचारी तथा ग्राहकहरूलाई भरतपुर भ्रमण वर्ष २०२४ लाई लक्षित गर्दै सौराहामा रहेका विभिन्न होटल तथा रेस्टुरेन्टसँग विभिन्न सेवामा विशेष छुट दिने सम्झौता भएको छ।

छुट्टाछुट्टै समारोहबिच सम्पन्न सम्झौतामा प्रभु बैँकका तर्फबाट बागमती प्रदेश, चितवन कल्सटरकी प्रमुख साङ्ग्रिला श्रेष्ठ र सौराहाका शाखा प्रबन्धक मणि मानन्धरद्वारा हस्ताक्षर गरेका हुन्।

सम्झौता अनुसार प्रभु बैँक लिका कर्मचारी तथा ग्राहकहरूले बैँकसँगको आबद्धता प्रमाणका आधारमा आवास, खाना, खाजा तथा होटलमा उपलब्ध सम्पूर्ण सेवा सुविधाहरूमा विशेष छुट प्राप्त गर्न सक्ने बैंकले जनाएको छ।

सो सम्झौता बमोजिम ग्राहक वर्ग तथा प्रभु बैँक लि.का कर्मचारीहरूका लागि आवासमा ८ देखि १५ प्रतिशत तथा खाना तथा पेय पदार्थमा १० प्रतिशतदेखि १५ प्रतिशतसम्मका छुटहरू प्राप्त गर्न सकिने छ।

छुट दिने होटलको सूची

• होटल आइकावा इन (चारतारे)
• सपना भिलेज लज
• सिद्धार्थ भिल्लाज वनवास चितवन (होटल वनवास चितवन)
• होटल वाइल्डलाइफ क्याम्प
• पार्क सफारी रिसोर्ट
• चौतारी गार्डेन रिसोर्ट
• राइनो लज एन्ड होटल
• होटल रोयल सफारी
• द पार्क सेन्चुरी होटल(भिलाजियो रेस्टुरेन्ट एन्ड होटल)
• ट्राभरलर्स जंगल क्याम्प
• होटल मिराज
• ओपन सेकुवा कर्नर
• रिभर भ्यु जंगल क्याम्प
• हिमालयन इन
• जंगल सफारी लज
• रोयल टाइगर लक्जरी होटल