एसईई नतिजा प्रकाशनको अन्तिम तयारी, एनसेल एपमै हेर्न सकिने

काठमाडौँ- राष्ट्रिय परीक्षा बोर्डले माध्यम शिक्षा परीक्षा (एसईई)को नजिता प्रकाशन गर्ने अन्तिम तयारी भइरहेको जानकारी दिएको छ। उक्त नतिजा प्रकाशन भएपछि एनसेल एपमार्फत पनि हेर्न सकिने व्यवस्था गरिएको बोर्डले जानकारी दिएको छ।

राष्ट्रिय परीक्षा बोर्डले सोमबार प्रकाशित गरेको सूचना अनुसार एसइई २०८० को नतिजा एनसेल एपबाट पनि हेर्न सकिन्छ। एनसेल एपको होम स्क्रिनमा गई एसईई रिजल्टमा ट्याप गरेर परीक्षार्थीको सिम्बोल नम्बर र जन्म मिति समावेश गरी गरेर नतिजा हेर्ने सकिने व्यवस्था गरिएको बोर्डको भनाइ छ।

बोर्डले नतिजा प्रकाशित भएसँगै सहज रूपमा नतिजा हेर्नका लागि विभिन्न माध्यमको व्यवस्था गरेको छ।

२०८० सालको नियमित तथा ग्रेड वृद्धि परीक्षाको नतिजा सम्बन्धी विवरण अनुमति पाएका वेबसाइट, एसएमएस र आइभीआर सेवाबाट पनि लिन सकिने बोर्डले जनाएको छ।

गत चैत १५ गतेदेखि सञ्चालित एसईई परीक्षामा देशभरका ५ लाख ४ हजार ४१४ जना विद्यार्थी सहभागी भएका थिए।