हुन्डाईले ल्यायो ‘टेस्ट ड्राइभ एन्ड विन’ क्याम्पेन

काठमाडौँ– हुन्डाई गाडीको आधिकारिक वितरक लक्ष्मी इन्टरकन्टिनेन्टलले ‘ हुन्डाई टेस्ट ड्राइभ एण्ड वीन’ क्याम्पेन ल्याएको छ।

जस अन्तर्गत हुन्डाईको नेपालभरि रहेका कुनै पनि सोरुममा गई हुन्डाई गाडीको लाइन अपहरू मध्यबाट भर्खरै लन्च गरिएको नयाँ हुन्डाई क्रेटा र मेड इन नेपाल हुन्डाई भेन्यु टेस्ट ड्राइभ गर्न सकिने कम्पनीले जनाएकाे छ।

प्रत्येक टेस्ट ड्राइभमा सहभागीलाई उपहारहरू राखिएको छ भने साप्ताहिक विजेताले माइक्रोवेभ ओभन र बम्पर विजेताले रेफ्रिजरेटर प्राप्त गर्नेछन्। यो क्याम्पेन दुई साता चल्ने कम्पनीले जानकारी दिएको छ।

नयाँ हुन्डाई क्रेटा अगस्त ६ मा सार्वजनिक गरिएको थियो। प्रारम्भिक मूल्य ५५ लाख ९६ हजार रुपैयाँ पर्ने नयाँ क्रेटा विभिन्न भेरियन्टहरूमा उपलब्ध छ र यसमा ६ वर्षको निःशुल्क सर्भिसिङ र ३ वर्षको वारेन्टी पाइन्छ।

त्यसैगरी, लक्ष्मी इन्टरकन्टिनेन्टलको भगिनी संस्था लक्ष्मी मोटर कर्पोरेशन मार्फत नेपालमै निर्माण गरिएको मेड इन नेपाल भेन्युको पहिलो रोलआउट मे १० मा भएको थियो। यसको बनावट, गुणस्तर, पर्फमेन्स लगायतका गुणहरू हुन्डाई मोटर कम्पनी, कोरिया वा भारतमा बन्ने सोही मोडलका गाडीहरू सरह कै हुने कम्पनीले दाबी गरेको छ।

मेड इन नेपाल हुन्डाई भेन्यु १. २(S) को मूल्य ४४ लाख ९६ हजार र भेन्यु १.२ (SX) को मूल्य ५३ लाख ५६ हजार कायम गरिएको छ। मेड इन नेपाल हुन्डाई भेन्यु मा १० वर्षको निःशुल्क सर्भिसिङ र ३ वर्षको वारेन्टी पाइन्छ।

आजबाट सुरु भएको यस क्याम्पेमा नेपालभरबाट जाे काेहिले आफ्नो ड्राइभिंग लाइसेन्स लिएर आधिकारिक हुन्डाई सोरुममा गई सहभागी हुन सक्नेछन्। यो क्याम्पेनको विजेताको घोषणा साप्तहिकरुपमा लक्की ड्र मार्फत छनोट गरिनेछ र कम्पनीको फेसबुक पेज मार्फत जानकारी गराइनेछ।

आजै आफू नजिकैको हुन्डाई शो-रुम गई यस योजनामा सहभागी भई टेस्ट-ड्राइभ गर्न कम्पनीको सुझाव छ।