रेसुंगा–काठमाडौं उडान नियमित
Untitled
काठमाडौँ- सरकारी स्वामित्वको नेपाल वायुसेवा निगमले गुल्मीको रेसुंगा विमानस्थलमा आजदेखि नियमित उडान सुरु गरेको छ। शुक्रबार नेवानिको नाइनएन एबिटी कल साइनको जहाजले रेसुंगाका लागि व्यावसायिक उडान गरेको हो।
काठमाडौँबाट रेसुंगा विमानस्थलका लागि बिहान ६ बजेर ३० मिनेटमा उडेको जहाजमा चालक दलका सदस्यबाहेक १३ जना यात्रु थिए। रेसुंगा विमानस्थलमा अवतरण भएपछि उक्त जहाज १४ यात्रु बोकेर ७ बजेर ४५ मिनेटमा काठमाडौं फर्किएको छ। नेवानि जहाजले अबदेखि रेसुंगा विमानस्थलमा साताको २ दिन मंगलबार र शुक्रबार उडान भर्नेछ।
काठमाडौँबाट रेसुंगा विमानस्थलसम्मको दूरी ५० मिनेटको छ। रेसुंगा विमानस्थल गुल्मीको रेसुंगा नगरपालिका–१० सिमीचौरमा पर्छ।
यसअघि रेसुंगा विमानस्थल सञ्चालन नहुँदा जिल्लाबासी रुपन्देहीको भैरहवासम्म गाडीमा र त्यहाँबाट हवाई जहाज चढेर काठमाडौं आउजाउ गर्ने गरेका थिए।
रेसुंगा–काठमाडौं हवाई भाडा प्रतिव्यक्ति ६ हजार ३ सय र काठमाडौं–रेसुंगा हवाई भाडा प्रतिव्यक्ति ६ हजार ५ सय भाडा तोकिएको छ।
सार्वजनिक वित्तीय व्यवस्थापन सुधार कार्यान्वयन कार्ययोजना सार्वजनिक
राष्ट्रिय यातायात नीति जारी: सार्वजनिक यातायातलाई पूर्ण विद्युतीय बनाउने
भदौदेखि नयाँ बजार व्यवस्थामाथि छलफल हुने, सेबोनले नियमावली तयार गर्दै
अबदेखि बिजुलीमा पनि भ्याट, न्यूनतममा पनि लाग्ने, असारको के हुन्छ?
बैंकहरूले यसपटक पनि पाउलान् कार्भ–आउट सुविधा?
सिमरामा २ अर्ब लगानीमा पाँचतारे होटल ‘अन्नपूर्ण भिस्टा’ बनाउँदै क्याप्टेन रामेश्वर थापा
उडानको तयारीमा डलर अर्बपति अदानीः धेरै एयरलाइन्स असफल भएको भारतमा चम्किलान्?
बहुराष्ट्रिय कम्पनी सूर्य नेपालको चुरोट व्यापार बढ्दो, एक वर्षमा साढे ३२ अर्बको कारोबार
मध्यपूर्वमा सैन्य तनावले तेल बजार प्रभावित, विश्व अर्थतन्त्र जोखिममा पर्ने चेतावनी
अबको १० वर्षमा पैसाको कुनै महत्त्व रहन्न: एलन मस्क
