रविलाई काठमाडौं अदालतले पनि पक्राउ अनुमति दियो

काठमाडौँ – सहकारी ठगी तथा संगठित अपराधको कसुरमा थुनामा रही अनुसन्धानको घेराभित्र रहेका राष्ट्रिय स्वतन्त्र पार्टीका सभापति एवं गोरखा मिडिया नेटवर्कका तत्कालीन प्रबन्ध निर्देशक रवि लामिछानेलाई पक्राउ गर्न काठमाडौँ जिल्ला अदालतले पनि अनुमति दिएको छ।

काठमाडौँ जिल्ला अदालतका न्यायाधीश शिशिराज ढकालको इजलासले आइतबार लामिछाने र गोरखा मिडिया नेटवर्कका अर्का सञ्चालक छवि जोशीसहित २२ जना अभियुक्तलाई पक्राउको अनुमति दिएको हो।

कास्कीको सूर्यर्दशन सहकारीको रकम अपचलन गरेको अभियोगमा लामिछानेलाई प्रहरीले कात्तिक २ गते पक्राउ परेको थियो। उक्त पक्राउबाट बाहिर नस्किदै एक महिना पुगेकै दिन अर्को पक्राउ पुर्जी प्रहरीले जारी गरेको हो।

काठमाडौँको कालिमाटीमा रहेको स्वर्णलक्ष्मी सहकारीको रकम अपलचन भएको भन्दै बचत कर्ताहरुले जाहेरी दिएपछि प्रहरीले अनुसन्धान अघि बढाएको हो। स्वर्णलक्ष्मीको एक अर्बभन्दा बढी रकम अपचलन भएको दाबी गरिएको छ।